वाशिम : बाभूळगाव येथील अनिकेत संतोष सादुडे (वय 14 वर्ष ) या बालकाचे 12 मार्च रोजी रात्री 12:00 वाजता एक लग्न समारंभातून अपहरण करून त्याच रात्री 12:45 त्याचा गळा आवळून खून करण्यात आला. पोलिसांच्या ही गोष्ट लक्षात आली नाही पाहिजे म्हणून अपहरण नाट्य घडवून आणून एक पाच पाणी पत्रातून अनिकेतच्या सुटकेसाठी 60 लाखाची खंडणी मागितली, असे आरोपीने कबूल केले. 21 मार्च 2025 रोजी हे हत्या प्रकरण उघडकीस आले, यातील अपहरण व हत्या प्रकारणतील दोन्ही आरोपी प्रणव पद्ममने (वय 20 वर्षे ) व शुभम इंगळे (वय 20 वर्ष ) या दोन्ही आरोपींना अटक करण्यात आली. आज न्यायालया समोर हजर केले असता त्यांना न्यायालयाने 29 मार्च 2025 पर्यंत पोलीस कोठडी सुनावली आहे.
21 मार्च रोजी वाशिम - पुसद मार्गावर अनिकेत सादुडेचा मृतदेह सापडल्याने सर्वत्र एकच खळबळ उडाली होती,. अल्पवयीन अनिकेत सादूडे याच खंडणीसाठी अपहरण करण्यात आलं होतं. 12 मार्चला हे अपहरणाचे प्रकरण घडले होते. त्यानंतर पोलिसांना अनिकेतच्या शोधासाठी तपासाची चक्रे गतिमान करत शोध सुरू केला. मात्र तरीही अनिकेतचा थांगपत्ता न लागल्याने अनिकेतच्या पालकांना मोठी चिंता लागली होती. तर पोलिसांनी या प्रकरणाचे गांभीर्य लक्षात घेता तब्बल चार जिल्ह्यातील 12 पोलिस पथकं शोधकार्यात लावली होती. अखेर 10 व्या दिवशी अनिकेतचा मृतदेह सापडल्याने सादुडे कुटुंबावर शोककळा पसरली आहे. या प्रकरणाती दोन्ही आरोपीना आज न्यायालयाने 29 मार्च पर्यंत पोलीस कोटडी सुनावली आहे.
