यवतमाळ : सावकाराच्या जाचाला कंटाळून व्यावसायिकाची आत्महत्या
यवतमाळ : पुढारी वृत्तसेवा
खाजगी सावकाराचा तगादा असह्य झाल्याने एका व्यावसायिकाने गळफास घेऊन आत्महत्या केली. यवतमाळ शहरातील पारिजात सोसायटीत नुकतीच ही घटना घडली.
तुषार माणिकराव साठवणे (वय ४०) असे मृत व्यावसायिकाचे नाव आहे. तुषार यांचा मॉड्यूलर फर्निचरचा व्यवसाय होता.
तुषार साठवणे यांनी वडगाव ग्रामपंचायतजवळ दुकान सुरू केले होते. लॉकडाऊन काळात त्यांचे दुकान पूर्णता बंद होते. व्यवसायही चालत नव्हता.
- खेड पंचायत समिती; बहुमत शिवसेनेचे मात्र सभापती राष्ट्रवादीचा
- महाराष्ट्रातील ग्रामीण स्थानिक स्वराज्य संस्थांना १,२९२ कोटींचा निधी
त्यामुळे अनलॉकच्या प्रक्रियेत दुकान उघडताना तुषार साठवणे यांनी सिंघानियानगरातील सावकार ताटी पामुलवार यांच्याकडून दोन लाखांचे कर्ज घेतले.
व्यवसाय सुरळीत झाल्यावर या कर्जाची परतफेड करू असेही सांगण्यात आले. मात्र, कर्जाच्या व्याजासाठी सावकाराकडून सततचा तगादा सुरू होता. वारंवार अपमानजनक वागणूक मिळत होती. सावकार सतत फोन करीत होता.
- अफगाणिस्तानातील घडामोडींवर नजर ठेवण्यासाठी उच्चस्तरीय समिती स्थापन
- चंद्रपूर : बुटीबोरी येथे वाघाचे अवयव विक्री करताना चौघांना अटक
दुसरीकडे व्यवसायात गती नसल्याने उदरनिर्वाहाचा प्रश्न निर्माण झाला होता. सावकारी जाचाला कंटाळून अखेर तुषार साठवणे यांनी २४ ऑगस्टला रात्री आठ वाजता फ्लॅटमध्ये गळफास घेऊन आत्महत्या केली.
तुषार यांची पत्नी पूनम साठवणे यांनी २९ ऑगस्टला अवधूतवाडी पोलिस ठाण्यात तक्रार दाखल केली. त्यावरून पोलिसांनी भरून सावकार ताटी पामुलवार यांच्या विरोधात आत्महत्येस प्रवृत्त केल्याचा गुन्हा दाखल करण्यात आला आहे.
- ती विचारतेय ‘तुझ्या माझ्या संसाराला आणि काय हवं’
- मराठवाडा : ६७ मंडळात अतिवृष्टी, बीड जिल्ह्यात हाहाकार, पुरामुळे दोन गावांचा संपर्क तुटला
- ठाणे महापालिका : ४० हजार अधिकारी, कर्मचाऱ्यांचे काम बंद आंदोलन
- मथुरा नगरीत मांस, मद्य विक्रीवर बंदी; योगी आदित्यनाथ यांची घोषणा
- शाहिद आफ्रिदी म्हणाला, तालिबानमध्ये सकारात्मक बदल
- राष्ट्रवादी काँग्रेस प्रदेशाध्यक्ष जयंत पाटील यांचा सांगली जिल्हा ‘मिशन स्वबळ’
- ऊस शेती व्यवस्थापन : माती परिक्षण, खतमात्रा ऊस वाढीस ठरतात फायदेशीर