भाजप नेते गणेश नाईकांना २५ हजारांच्या हमीवर अटकपूर्व जामीन मंजूर

पुढारी ऑनलाईन डेस्क : भाजपचे ज्येष्ठ नेते, आमदार गणेश नाईक यांच्यावर बलात्कार आणि रिव्हॉल्वर दाखवून महिलेस धमकावल्या प्रकरणी गुन्हा दाखल करण्यात आला हाेता. याप्रकरणात नाईक यांना दिलासा मिळाला आहे. मुंबई उच्च न्यायालयाने २५ हजारांच्या हमीवर त्यांना आज (दि.४) अटकपूर्व जामीन मंजूर केला आहे.

• धुळे : त्या नर बिबट्यावर अंत्यसंस्कार, कसे करतात अंत्यसंस्कार?

या प्रकरणी बुधवारी ठाणे न्यायालयाचे न्या. एन. के. ब्रम्हे यांच्यासमोर सुनावणी झाली. नाईक यांची वैद्यकीय तपासणी करायची असल्याने तसेच गुन्ह्यातील रिव्हॉल्वर जप्त करायचे असल्याने त्यांना पोलीस कोठडी आवश्यक आहे, असा युक्तिवाद सरकारी वकिलांनी केला होता. त्यावर नाईक डीएनए चाचणी करण्यास तयार आहेत. गुन्ह्यांतील रिव्हॉल्वरदेखील देण्यास तयार आहेत, असे नाईक यांच्या वकिलांनी न्यायालयात सांगितले होते.

• मुंबईसह राज्यात कडेकोट पोलीस बंदोबस्त; पोलिसांच्या सुट्ट्या रद्द 

दोन्ही गुन्ह्यांमध्ये गणेश नाईक यांनी ठाणे न्यायालयात अटकपूर्व जामिनासाठी अर्ज दाखल केला होता. या दोन्ही प्रकरणी २७ एप्रिलला एकत्रित सुनावणी घेण्यात यावी, अशी विनंती नाईक यांच्या वकिलांनी यापूर्वी न्यायालयात केली होती. ही सुनावणी ठाणे न्यायालयाचे मुख्य न्यायाधीश राजेश गुप्ता यांच्या न्यायालयात होणार होती. मात्र, बुधवारी अचानक ही सुनावणी न्यायमूर्ती एन. के. ब्रम्हे यांच्या न्यायालयात घेण्यात आली. दोन्ही बाजूने सुमारे साडेतीन तास युक्तिवाद करण्यात झाला होता.

हेही वाचलंत का ? 

• ज्यांनी बाळासाहेबांना सोडले, त्यांनी आम्‍हाला हिंदुत्व शिकवू नये : संजय राऊत यांचे राज ठाकरेंना प्रत्युत्तर
• काळजी घेणे आवश्‍यक : मागील २४ तासांच्‍या तुलनेत कोरोना रुग्‍णसंख्‍येत २५ टक्‍के वाढ
• युवराज पाटील, विजयसिंह मोरे 'गोकुळ'मध्ये स्वीकृत संचालक