वाई नगराध्यक्षा अपात्र; भाजपला धक्का, राष्ट्रवादीच्या गोटात आनंद
सातारा; पुढारी वृत्तसेवा : वाई नगराध्यक्षा डॉ. प्रतिभा शिंदे अपात्र ठरल्या आहेत. त्यांच्यावर राज्य शासनाने अपत्रातेची कारवाई केली आहे. सन २०१७ मध्ये ठेकेदाराकडून लाच घेताना वाई नगराध्यक्षाआणि त्यांच्या पतीला अटक झाली होती. त्यानंतर वेळोवेळी याबाबत सुनावणी झाली. त्यातून शासनाने नगराध्यक्षा डॉ. शिंदे यांना पदावरुन बाजूला केल्याचा निर्णय दिला.
- रवी कुमार सोबत कझाकिस्तानच्या कुस्तीपटूने खेळला रडीचा डाव
- भारतीय हॉकी संघाने ऑलिम्पिकमध्ये चार दशकानंतर जिंकले कांस्यपदक
- लेप्टोस्पायरोसिस आजार पावसाळ्याच्या काळात अधिक प्रमाणात
नगराध्यक्षा डॉ. प्रतिभा शिंदे यांनी भारतीय जनता पक्षातून थेट नगराध्यक्षपदासाठीची निवडणूक लढविली होती. त्या निवडून आल्यानंतर वाईतील राष्ट्रवादी काँग्रेसच्या गटास धक्का बसला होता.
त्यांच्यावरील अपात्रतेच्या कारवाईनंतर आता राष्ट्रवादीच्या बालेकिल्यात आनंदाचे वातावरण आहे.
डॉ. प्रतिभा शिंदे यांनी एका कामाच्या मोबदल्यात ठेकेदारास १४ हजार रुपयांची लाच मगितल्याचा आरोप आहे. त्यांच्या अटकेनंतर त्यांना जिल्हा सत्र न्यायालयाने जामीन मंजूर केला हाेता.
- कोव्हिडवरील अश्वगंधा च्या वापरासाठी भारत-ब्रिटनचे संयुक्त संशोधन
- बाराशे वर्षांपूर्वीचं नाणे, त्याला मिळेल दोन कोटींची किंमत?
- रिफायनरी प्रकल्प राजापुरातच होण्यासाठी तोडगा काढू : ना. राणे
दरम्यानच्या काळात पालिकेतील नगरसेवकांनी त्यांना पदावरुन बाजूला करा, अशी मागणी राज्य शासनाकडे केली होती.
त्यानूसार दोन वेळा सुनावणी झाली. शासनाने डॉ. शिंदे यांना नगराध्यक्षपदावरुन हटविण्याचा निर्णय दिला. या निर्णयाने सातारा जिल्ह्यात भाजपला मोठा धक्का बसला आहे.
- रेल्वेभरती : राज्यातील ३०० तरुण ५ वर्षे न्यायाच्या प्रतीक्षेत
- या बेटावर वेगवेगळ्या प्रजातींचे चार हजारांपेक्षाही अधिक सर्प
- कोरोनाच्या भीतीने वडिलांचा मृतदेह ३ दिवस घरात; मुलीची आत्महत्या
दरम्यान डॉ. प्रतिभा शिंदे यांना या पुढील सहा वर्षे कोणतीही निवडणूक लढवता येणार नाही असेही शासनाने दिलेल्या निर्णयात नमूद केले आहे.