सांगली : सांगली आणि मिरजेतील रसिक नाट्यप्रेमींसाठी एक खास सांस्कृतिक मेजवानी पुढारी नाट्योत्सव घेऊन येत आहे. दसरा-दिवाळीच्या मंगलमय वातावरणात, सध्याच्या काळातील नातेसंबंध, पिढ्यांमधील अंतर आणि बदलत्या जीवनशैलीवर खुसखुशीत भाष्य करणार्या दोन गाजलेल्या नाटकांचे प्रयोग ‘नाट्योत्सवा’च्या माध्यमातून रसिकांच्या भेटीला येत आहेत.
सांगली येथील मेसर्स पुरुषोत्तम नारायण गाडगीळ सराफ हे नाट्योत्सवाचे मुख्य प्रायोजक आहेत. या दोन दिवसीय नाट्योत्सवात मराठी रंगभूमीवरील दोन लोकप्रिय आणि विचारप्रवर्तक कलाकृती बालगंधर्व नाट्यमंदिर मिरज येथे सादर होणार आहे.
चंद्रकांत कुलकर्णी दिग्दर्शित आणि संकर्षण कर्हाडे लिखित हे नाटक आजच्या तरुणाईच्या जीवनावर आधारित आहे. पती-पत्नीच्या नात्यातील बदलत्या अपेक्षा आणि त्यांना लागू केलेले ‘नियम व अटी’ पाळताना होणारी विनोदी कसरत यात पाहायला मिळते. संकर्षण कर्हाडे आणि अमृता देशमुख यांची भूमिका असलेले हे नाटक प्रेक्षकांना भरपूर हसवते आणि विचार करायलाही लावते.
दिग्दर्शक नीरज शिरवईकर यांच्या दिग्दर्शनाखालील हे नाटक कुटुंबातील दोन पिढ्यांच्या विचारांतील अंतर आणि लग्नसंस्थेवर आधारित आहे. ज्येष्ठ अभिनेते मंगेश कदम आणि लीना भागवत यांच्या अभिनयाची जुगलबंदी या नाटकाचे मुख्य आकर्षण आहे. पिढीनुसार बदलणार्या नात्यांचे आयाम अत्यंत रंजक पद्धतीने यात मांडले आहेत. सांगली-मिरजेतील सर्व रसिक नाट्यप्रेमींनी आणि सुजाण रसिकांनी आपल्या कुटुंबीयांसोबत व मित्रपरिवारासोबत मराठी रंगभूमीच्या या लोकप्रिय कलाकृतींचा आनंद घेण्यासाठी नाट्यगृहात मोठ्या संख्येने उपस्थित राहावे, असे आवाहन आयोजकांनी केले आहे. 7 आणि 8 ऑक्टोबर रोजी या नाटकांचे प्रयोग कोल्हापुरातदेखील होणार आहेत.
सकाळी 9 ते 1 व संध्याकाळी 4 ते 7 यावेळेत बालगंधर्व रंगमंदिर,मिरज येथे तिकिटे उपलब्ध आहेत. शिवाय बुक माय शो आणि तिकिटालय या अॅपवरदेखील तिकीट बुक करता येतील.
प्रयोगांचे ठिकाण आणि वेळा :
मिरज (बालगंधर्व नाट्यमंदिर)
नियम व अटी लागू
6 ऑक्टोबर - सायं. 7:00 वा.
आमने-सामने
7 ऑक्टोबर - सायं. 7:00 वा
