बळीराजाच्या उन्नतीसाठी जेएनपीएचा पुढाकार

उरण : राजकुमार भगत

जवाहरलाल नेहरू पत्तन प्राधिकरण (जेएनपीए) कृषी मालावर आधारीत प्रक्रिया आणि साठवणूक केंद्र उभारणार असून केंद्रीय बंदरे, जहाजबांधणी आणि जलमार्ग मंत्री सर्बानंद सोनोवाल यांनी जेएनपीएच्या प्रस्तावाला नुकतीच 19 जुलै 2024 रोजी मान्यता दिली. या प्रकल्पासाठी 285 कोटी रूपये खर्च करण्यात येणार आहे. अशा प्रकारची देशातील बंदरांमध्ये जेएनपीएने पहिल्यांदाच अशी सुविधा असणार आहे.

प्रगत तंत्रज्ञान आणि कार्यक्षम प्रक्रिया आणि जतन तंत्रांसह, सुविधा कापणीनंतरचे नुकसान लक्षणीयरीत्या कमी करणार आहे. यासाठी अंदाजे 285 कोटी रुपयांचा हा प्रकल्प सार्वजनिक-खाजगी भागीदारी (पीपीपी) तत्वावर उभारण्यात येणार आहे. तसेच जेएनपीए रस्त्यावर अवैध वाहने उभी करणार्‍या वाहनांवर जेएनपीए आत्ता कडक धोरण राबविणार असून या वाहन धारकांचा जेएनपीएतील परवानाच रद्द करण्यात येणार आहे. त्याच प्रमाणे जेएनपीएच्या जागांवर जी अवैध बांधकामे झाली आहेत ती बांधकामे देखिल 15 ऑगस्ट नंतर तोडण्यात येतील असे जेएनपीएचे अध्यक्ष उन्मेश वाघ यांनी सांगितले. तर जेएनपीएची नव्याने आणखी एक कोस्टल रोड बनविण्याची योजना असून बेलपाडा गावाच्या पाठीमागून ते अटल सेतू पर्यंत हा मार्ग बनविण्यात येणार आहे.

असे असेल सुविधा केंद्र

27 एकर जागेवर प्रस्तावित सुविधा नियोजित असून हे प्रक्रिया, वर्गीकरण, पॅकिंग आणि प्रयोगशाळा सुविधांसह सर्वसमावेशक सेवा प्रदान करण्यासाठी हा आराखडा बनविण्यात आला आहे, अन्न सुरक्षा आणि व्यापार नियमांचे पालन सुनिश्चित करण्याच्या त्याच्या वचनबद्धतेवर जोर देते. हे केवळ महाराष्ट्रातीलच नव्हे तर मध्य प्रदेश आणि गुजरातसारख्या इतर राज्यांच्या कृषी मालाची पूर्तता करेल.

सुविधा कापणीनंतरचे नुकसान लक्षणीयरीत्या कमी करणार आहे. यासाठी अंदाजे 285 कोटी रुपयांचा हा प्रकल्प सार्वजनिक-खाजगी भागीदारी (पीपीपी) तत्वावर उभारण्यात येणार आहे. तसेच जेएनपीए रस्त्यावर अवैध वाहने उभी करणार्‍या वाहनांवर जेएनपीए आत्ता कडक धोरण राबविणार असून या वाहन धारकांचा जेएनपीएतील परवानाच रद्द करण्यात येणार आहे. त्याच प्रमाणे जेएनपीएच्या जागांवर जी अवैध बांधकामे झाली आहेत ती बांधकामे देखिल 15 ऑगस्ट नंतर तोडण्यात येतील असे जेएनपीएचे अध्यक्ष उन्मेश वाघ यांनी सांगितले. तर जेएनपीएची नव्याने आणखी एक कोस्टल रोड बनविण्याची योजना असून बेलपाडा गावाच्या पाठीमागून ते अटल सेतू पर्यंत हा मार्ग बनविण्यात येणार आहे.