नाशिक: नाशिक-दिल्लीदरम्यान सध्या इंडिगो एअरलाईन्सद्वारे सेवा सुरू असून, १५ एप्रिलपासून दिल्ली आंतरराष्ट्रीय विमानतळावर टर्मिनल २ च्या देखभाल दुरूस्तीसाठी आता इंडिगोची सर्व उडडाणे टर्मिनल-२ वरून टर्मिनल-१ वर हलविण्यात आल्याचे इंडिगोने जाहीर केले आहे. या पार्श्वभूमीवर, दिल्लीतील इंदिरा गांधी आंतरराष्ट्रीय विमानतळावर टर्मिनल बदल करण्यात आला आहे. येत्या १५ एप्रिलपासून इंडिगोची सर्व उड्डाणे टर्मिनल-२ वरून टर्मिनल-१ वर हलविण्यात येणार असल्याचे निवेदन जारी करण्यात आले आहे.
दिल्ली विमानतळ प्रशासनाने यासंदर्भात स्पष्ट केले आहे की, टर्मिनल-२ वर देखभाल आणि सुधारणा कामे सुरू होणार असल्याने हा बदल आवश्यक आहे. त्यामुळे टर्मिनल-२ येत्या दोन आठवड्यांसाठी बंद राहणार आहे. नाशिकहून दिल्लीसाठी दररोज सकाळी नऊ वाजता इंडिगोची थेट विमानसेवा उपलब्ध आहे. नाशिकहून दिल्लीला प्रवास करणार्या प्रवाशांनी आपली तिकिटे तपासून नवीन टर्मिनलमधून उड्डाणाची नोंद घ्यावी, असे आवाहन इंडिगो एअरलाईन्सने केले आहे.
