जळगाव : शहरातील प्रताप नगर येथील एका धार्मिक स्थळाचे अतिक्रमण सर्वोच्च न्यायालयाच्या आदेशानुसार काढण्याच्या कारणावरून १८ ऑक्टोबर रात्री ११ वाजता तक्रारदार ॲड. सुशील अत्रे यांच्या घरावर दगडफेक करण्यात आली. याप्रकरणी जिल्हापेठ पोलिसांनी दहा जणांना ताब्यात घेतले आहे. याप्रकरणी रात्री उशिराने जिल्हा पेठ पोलीस ठाण्यात गुन्हा दाखल करण्यात आला आहे.
याबाबत अधिक माहिती अशी की, शहरातील प्रताप नगर परिसरात असलेल्या एका धार्मिक स्थळाचे अतिक्रमण असण्याच्या कारणावरून गेल्या अनेक वर्षांपासून तक्रार आहे. हे अतिक्रमण काढण्याचे आदेश देण्यात आल्याने ते काढण्याची प्रक्रिया सुरू आहे. त्यावरून काहीजण संतप्त झाले. त्यामुळे शुक्रवारी दि. १८ रात्री ११ वाजेच्या सुमारास मोठा जमाव प्रताप नगर परिसरातील धार्मिक स्थळाच्या ठिकाणी जमला व अतिक्रमण काढण्यास विरोध दर्शविण्यात आला. त्यानंतर जमावाने या प्रकरणात तक्रारदार असलेले ॲड. सुशील अत्रे यांच्या घरावर दगडफेक केली. घटनेची माहिती मिळाल्यानंतर जिल्हा पेठ पोलीस घटनास्थळी पोहोचले. तेथून १० ते १२ जणांना ताब्यात घेण्यात आले आहे. रात्री उशिराने एडवोकेट पंकज अत्रे यांनी दिलेल्या फिर्यादीवरून 13 आरोपी विरुद्ध गुन्हा नोंद करण्यात आलेला आहे.
ॲड. सुशील अत्रे यांच्या घरावर दगडफेक करीत असताना जमावाने जोरदार घोषणाबाजी केली. यामुळे मोठा गोंधळ होता.
