NASHIK: सुकापूर तालुक्यात साडेपाच एकर ऊसाला आग
पिंपळनेर:पुढारी वृत्तसेवा
साक्री तालुक्यातील (NASHIK) जेबापूर शिवारातील साडेपाच एकर उसाला दुपारी चारच्या सुमारास भीषण आग लागली. यात शेतकऱ्यांचे सुमारे साडेतीन ते चार लाख रुपयांचे नुकसान झाले असुन सुदैवाने जीवितहानी टळली. आगीचे कारण समजू शकले नाही. आग आटोक्यात आणण्यासाठी या शेतकऱ्यांनी शर्थिचे प्रयत्न केले. प्रशासकीय अधिकाऱ्यांनी नुकसानीचे पंचनामे करून शेतकऱ्यांना मदत मिळावी अपेक्षा.
पंचनामे करून प्रशासकीय मदतीची अपेक्षा
सुकापूर (NASHIK) येथील सयाजीराव भदाणे यांच्या शेतातील (गट क्र.१३२/१अ) दोन एकर ऊस, कल्पना भदाणे ( गट क्र.१३२/१ ब ) यांच्या शेतातील दोन एकर ऊस व कांतिलाल भदाणे ( गट क्र.१३१/१ ब ) यांच्या शेतातील दीड एकर ऊस, अशा एकूण साडेपाच एकर ऊसाला अचानक आग लागली. आग अचानक पसरल्याने शेतीमालक व ऊसतोड मजुरांमध्ये भीतीचे वातावरण पसरले.
‘या’ बिग बजेट बॉलीवूड चित्रपटांचे युक्रेनमध्ये शूटींग https://t.co/VYR7LYDcS6या-बिग-बजेट-बॉलीवूड-चित्रपटांचे-युक्रेनमध्ये-शूटींग/ar #pudharionline #pudharinews #Ukraine #war #Bollywood
— Pudhari (@pudharionline) February 26, 2022
शेतकरी व उसतोडणी कामगार आरडाओरडा करू लागले. या परिसरात सायंकाळी बिबट्याचा वावर व दहशत असल्याने मदतीला कोणीही धावून आले नाही. आग विझवण्यासाठी वीज नसल्याने विहिरींच्या पाण्याचाही उपयोग करता आला नसल्याने आगीने क्षणार्धात रूद्रावतार धारण करत दोन तासांत आग सर्वत्र ऊसांच्या शेतात पसरल्यामुळे सुमारे साडेपाच एकर ऊस जळुन खाक झाला.
शेतकऱ्यांच्या डोळ्यासमोरच साडेपाच एकर ऊस जळुन खाक झाल्याने सुमारे साडेतीन ते चार लाख रुपयांचे नुकसान झाले आगीबाबत शेतकऱ्यांनी मोबाईलवरून तलाठी अधिकाऱ्यांना माहिती दिली. नुकसानीचे पंचनामे करून शेतकऱ्यांना मदत मिळावी, अशी अपेक्षा व्यक्त होत आहे.
हेही वाचा
- लोणावळा : युक्रेनमध्ये अडकलेल्या मुलीसाठी कुटुंबाने देव ठेवले पाण्यात
- लोणावळा : युक्रेनमध्ये अडकलेल्या मुलीसाठी कुटुंबाने देव ठेवले पाण्यात
- ABDM : १,६०० कोटींच्या आयुष्यमान भारत डिजिटल मिशनच्या अंमलबजावणीला केंद्रीय मंत्रिमंडळाची मंजुरी
- राजकीय महत्त्वाकांक्षेसाठी कागल-शिरोळ तालुक्यातील गावांचे विदर्भ, मराठवाडा करणार का?