एकनाथ शिंदे सरकार हे ‘विषारी झाडाचे फळ’; उद्धव ठाकरे गटाकडून प्रतिज्ञापत्र दाखल

पुढारी ऑनलाईन डेस्क : महाराष्ट्रातील सत्तासंघर्षावर सर्वोच्च न्यायालयात आज (दि.३) सुनावणी होण्यापूर्वी उद्धव ठाकरे गटाच्या वतीने प्रतिज्ञापत्र दाखल करण्यात आले आहे. ठाकरे गटाने सर्वोच्च न्यायालयात दाखल केलेल्या प्रतिज्ञापत्रात महाराष्ट्रातील एकनाथ शिंदे सरकार हे ‘विषारी झाडाचे फळ’ असल्याचे म्हटले आहे. फ्लोअर टेस्ट आणि नवीन मुख्यमंत्री म्हणून शिंदे यांची नियुक्ती यासह सर्व घटना ‘विषारी झाडाची फळे’ आहेत. त्याची बीजे बंडखोर आमदारांनी पेरली आहेत, असा आरोप ठाकरे गटाने प्रतिज्ञापत्रात केला आहे.

•  पुणे : सवलतीचे उपचार घेणार्‍या रुग्णांसाठी आता तीन महिन्यांचे हमीपत्र, आरोग्य विभागाचा निर्णय

शिंदे गटाच्या आमदारांनी घटनात्मक पाप केले आहे, असे ठाकरे गटाने म्हटले आहे. एकनाथ शिंदे आणि बंडखोर आमदार नापाक हातांनी सुप्रीम कोर्टात पोहोचल्याचे म्हटले आहे. त्यांनी उपसभापतींविरोधातील अविश्वास ठरावाबाबत चुकीचे विधान केले. पक्षविरोधी कारवाया लपवण्यासाठी बंडखोर आमदारांनी ‘खरी सेना’ असल्याचा दावा करत निवडणूक आयोगाकडे धाव घेतली. बंडखोर आमदारांना महाराष्ट्र सोडून भाजपशासित गुजरात राज्यात का जावे लागले हे समजत नाही. पुढे आसाममध्ये भाजपच्या मांडीवर बसावे लागले. त्यांना त्यांच्या कार्यकर्त्यांचा पाठिंबा होता, तर असे का केले गेले? गुजरात आणि आसाममध्ये शिवसेनेचा एकही केडर नव्हता. हे वेगळे सांगायची गरज नाही. आमदारांना संपूर्ण साधनसामग्री पुरविणारा भाजपचाच कार्यकर्ता होता.

• पंढरपूर येथे रेल्‍वेच्या धडकेत ३ जण ठार १ जखमी

त्याचवेळी राष्ट्रवादी काँग्रेस आणि काँग्रेसच्या शिवसेनेसोबतच्या युतीमुळे त्यांच्या मतदारांमध्ये नाराजी असल्याचे पक्षविरोधी कारवायांचे समर्थन करण्यासाठी शिंदे गटाच्या आमदारांनी खोटे आख्यान रचल्याचे ठाकरे गटाच्या वतीने सांगण्यात आले. दरम्यान, हे आमदार महाविकास आघाडीत अडीच वर्षे मंत्री राहिले, मात्र त्यांनी कधीच आक्षेप घेतला नाही. जे ते शिवसेनेचा जुना मित्रपक्ष (भाजप) सांगत आहेत, त्यांनी शिवसेनेला कधीही बरोबरीचा दर्जा दिला नाही. तर शिवसेनेच्या नेत्याला महाविकास आघाडी सरकारमध्ये मुख्यमंत्रीपद मिळाले.

सरकार सत्तेवर आल्यापासून या आमदारांनी नेहमीच त्याचा गैरफायदा घेतला, असेही बोलले जात आहे. यापूर्वी कधीही त्यांनी मतदार, कार्यकर्त्यांच्या नाराजीचा मुद्दा उपस्थित केला नाही. या सरकारचा भाग असल्याबद्दल ते इतके नाराज असते, तर पहिल्या दिवसापासून ते मंत्रिमंडळात सामील झाले नसते, असेही प्रतिज्ञापत्रात ठाकरे गटाने म्हटले आहे.

हेही वाचलंत का ? 

• NASA Webb Telescope: ‘जेम्स वेब टेलिस्कोप’ने पुन्हा कॅप्‍चर केली कलरफुल कार्टव्हिल आकाशगंगा (Video)
  
• Sudarsan Pattnaik : ‘हृदयात तिरंगा, हातात तिरंगा’… सुदर्शन पटनाईक यांचे अनाेखे वाळूशिल्‍प
  
• सातारा : काँग्रेस, राष्ट्रवादीसोबत संसार थाटून ठाकरे कुटुंबीयांनी बाळासाहेबांच्या विचारांशी प्रतारणा केली : आमदार शंभूराज देसाई