कंधार,पुढारी वृत्तसेवा
कंधार शहरामध्ये बेकायदेशीरपणे जुगार खेळत असलेल्या अड्ड्यावर पोलिसांनी मंगळवारी (दि.१७) धाड टाकली आणि कारवाई केली. यावेळी पोलिसांनी जुगार अडड्यावरुन २ लाख ९३ हजार रोकड आणि मोबाईल, जुगाराचे साहित्य असे एकूण ७ लाख ६४ हजार १०० रुपयांचा ऐवज जप्त केला. याप्रकरणी कंधार पोलिसांनी जुगार खेळणाऱ्या व जुगार अड्डा चालवणाऱ्यांसह २७ आरोपींविरुद्धात गुन्हा दाखल केला आहे. या जुगाराच्या धाडीतील आरोपींमध्ये २३ जण कंधार शहरातील आहेत. तर मानसपुरी ,कासारखेड नांदेड, पिंपळगाव, सुजलेगाव येथील प्रत्येकी १ जण असे एकूण २७ जुगाऱ्यांवर गुन्हा दाखल करण्यात आल्याने
शहरामध्ये एका ठिकाणी विनापरवाना व बेकायदेशीररित्या एकत्र गोलाकार बसून पत्त्यावर पैसे लावून तिर्रट नावाचा जुगार खेळत असल्याची व खेळवित असल्याची माहिती पोलिसांना मिळाली. यावेळी पोलिसांनी मंगळवारी (दि.17) धडक कारवाई करत पोलिसांनी छापा टाकला. जुगाराचे साहित्य,नगदी रोकड व मोबाईल असा मुद्देमाल मिळून आला. पोलिस उपनिरीक्षक गोपाळ इंद्राळे यांच्या फिर्यादीवरून कंधार पोलिस स्टेशनमध्ये २७ आरोपी विरोधात गुन्हा दाखल करण्यात आला. सदर प्रकरणाचा पुढील तपास पोलिस उपनिरीक्षक सानप करीत आहेत.
