केज: केज तालुक्यातील अवैध धंदे बंद करण्यात यावेत, या मागणीसाठी केज तालुका शिवसेनेचे तालुका प्रमुख अशोक जाधव आजपासून (दि. ८) आमरण उपोषणाला बसले आहेत.
केज तालुक्यातील केज आणि युसुफवडगाव पोलीस स्टेशन हद्दीतील अवैध धंद्याचे जाळे मोठ्या प्रमाणात फोफावले आहे. तालुक्यात गुटखा, मटका, गोवंशीय प्राण्याची अवैध वाहतूक, दारू विक्री, वाळू उपसा, चंदन तस्करी, ऑनलाईन चक्री, गांजा विक्री यासारखे अनेक धंदे राजरोसपणे सुरू आहेत. प्रशासन त्याकडे डोळे झाक करीत आहे. त्यामुळे कित्येकांना आपला जीव गमवावा लागला आहे. कित्येकांची घरे उद्ध्वस्त झाली आहेत.
अवैध धंदे तत्काळ बंद करण्यात यावेत, या मागणीसाठी उद्धव बाळासाहेब ठाकरे शिवसेनेच्या वतीने आमरण उपोषणाला सुरूवात केली आहे. शिवसेना तालुका प्रमुख अशोक जाधव यांच्यासह रोहित कसबे, तात्या रोडे, सुभाष ठोंबरे, किशोर घुले, ज्ञानेश्वर बोबडे, आप्पा कांबळे, ऋषी घुले, अशोक कोल्हे, सखाराम वायबसे, बाबासाहेब देशमुख, आप्पा कांबळे, पुरुषोत्तम देशमुख आदी कार्यकर्ते उपोषणाला बसले आहेत.
