गेवराई पोलिसांनी पकडल्या एकाच नंबरच्या आठ रिक्षा

By:Shambhuraj Pachindre Published on: November 25, 2021, 2:43 PM

गेवराई : पुढारी वृत्तसेवा

गेवराई शहरातील रस्त्यावर धावत असणाऱ्या एका नंबरच्या आठ रिक्षांवर गेवराई पोलिसांनी कारवाई करत रिक्षा चालकांना ताब्यात घेतले. शहरातील रस्त्यावर मागील काही महिन्यांपासून एकाच कंपनीच्या व एकाच नंबरच्या आठ रिक्षा धावत होत्या. याची माहिती कोणालाही नव्हती.

विशेष म्हणजे रिक्षा मालक व चालक यांना देखील याची कल्पना नसल्याचे दिसून आले. परंतु डीपी पथकाच्या धडक कारवाईत अनेक गुन्हे उघड होत असून त्यांनी केलेल्या या कारवाईत (एमएच-23,टीआर-311) क्रमांकाच्या आठही रिक्षा पकडण्यात आल्या. आठही रिक्षा गेवराई पोलिस ठाण्यात लावण्यात आल्या आहेत. एकाच नंबरच्या आठही रिक्षा मालक व चालकांवर गुन्हा दाखल करण्यात येणार असल्याची माहिती मिळाली आहे. ही कारवाई डीपी पथकाचे प्रफुल्ल साबळे, जमादार विठ्ठल देशमुख, कृष्णा जायभाय, पोलिस नाईक नवनाथ गोरे यांनी केली.

गेवराई : पुढारी वृत्तसेवा

हेही वाचलं का?