हिंगोली : दुचाकीच्या धडकेत एक ठार
हिंगोली ; पुढारी वृत्तसेवा : सेनगाव तालुक्यातील बाबुळगाव शिवारात दोन दुचाकींची समोरासमोर धडक झाली. या अपघातामध्ये एक जण ठार तर तिघे जण गंभीर जखमी झाल्याची घटना बुधवारी दुपारी घडली आहे. अनिल खांडके असे मृत तरुणाचे नाव असल्याची माहिती पोलिसांनी दिली आहे.
तालुक्यातील कडती व वराडी येथील चौघेजण त्यांच्या दुचाकी वाहनावर सेनगाव तालुक्यातील बाभुळगावकडे गेले होते. दुपारच्या वेळी बाबुळगाव शिवारामध्ये दोन्ही दुचाकीची समोरासमोर धडक झाली. या अपघातामध्ये अनिल खांडके याचा जागीच मृत्यू झाला. तर हनुमान जाधव, ऋषिकेश जाधव, हनुमान चिलगर हे गंभीर जखमी झाले. अपघाताची माहिती मिळताच गोरेगाव पोलिस ठाण्याच्या सहाय्यक पोलिस निरीक्षक श्रीदेवी पाटील, उपनिरीक्षक बाबुराव जाधव, जमादार किसन डावरे यांच्या पथकाने तातडीने घटनास्थळी भेट दिली. पोलिसांनी जखमींना तातडीने हिंगोलीच्या शासकीय रुग्णालयात दाखल केले. दरम्यान तिन्ही जखमींची प्रकृती गंभीर असल्याने त्यांच्यावर प्राथमिक उपचार करून पुढील उपचारासाठी नांदेड येथे हलविण्यात आल्याचे पोलिसांनी सांगितले.
रत्नागिरी : व्हेल माशाच्या उलटीची तस्करी ; दाेघांना अटक https://t.co/XBD6CB2e3H #pudharionline #pudharinews #Ratnagiri #Whale #Vomt
— Pudhari (@pudharionline) May 18, 2022
हेही वाचा
- पालिकेच्या वतीने आपत्कालीन व्यवस्थापनासाठी ‘कंट्रोल सेंटर’
- Tomato Price Hike : टोमॅटोच्या दरात मोठी वाढ! महिन्याभरात ८० ते १०० रुपये किलोपर्यंत पोहचण्याची शक्यता
- निष्पाप जीवांचा बळी का? चिमुकल्यांचा आम्ही केला असता सांभाळ; नातेवाईकांचा टाहो फोडणारा आक्रोश
- जिल्ह्यात दिसू लागला नेत्रसुखद दुर्मिळ कुमुदिनीचा बहर …!