कोल्हापूर : कोल्हापूर शहराला पाणीपुरवठा करणार्या थेट पाईपलाईन योजनेच्या काळम्मावाडी येथील उपसा पंपाची दुरुस्ती व नियमित देखभाल तसेच साळोखेनगर येथील 1100 मि.मी. मुख्य वितरण नलिकेवरील व्हॉल्व बसविण्याचे काम सोमवारी (दि. 13) व मंगळवारी (दि. 14) हाती घेण्यात आले आहे. या कालावधीत शहर, उपनगरे व लगतच्या ग्रामीण भागातील पाणीपुरवठा बंद राहणार आहे; तर बुधवारी (दि. 15) अपुरा व कमी दाबाने पाणीपुरवठा होणार असल्याचे पाणीपुरवठा विभागाने कळविले आहे.
बालिंगा जलयोजनेवर अवलंबून असलेल्या सी व डी वॉर्डातील तसेच शिंगणापूरमार्गे कसबा बावडा फिल्टरकडून पाणीपुरवठा होणार्या भागांमध्ये कसबा बावडा, ताराबाई पार्क, कावळा नाका पाण्याच्या टाकीवर अवलंबून असणार्या नागरिकांचा पाणीपुरवठा नियमित सुरू राहील.
ए आणि बी वॉर्ड क्षेत्रातील पुईखडी, कलिकतेनगर, सुलोचना पार्क, इंगवले कॉलनी, नाना पाटीलनगर, जिवबा नाना पार्क, बापूरामनगर, साळोखेनगर, राजीव गांधी वसाहत, कात्यायनी कॉम्प्लेक्स, तपोवन, देवकर पाणंद, मोरे मानेनगर, संभाजीनगर स्टँड, नाळे कॉलनी, रामानंदनगर, बालाजी पार्क, शाहू कॉलनी, सासने कॉलनी, रायगड कॉलनी, जरगनगर, सुभाषनगर, शेंडा पार्क, आर. के. नगर, भारती विद्यापीठ, म्हाडा कॉलनी, गंजी माळ, शिवाजी पेठ, मंगळवार पेठ, पोतनीस बोळ, मंगेशकर नगर, बेलबाग, महालक्ष्मीनगर, सरनाईक वसाहत, नेहरूनगर, वाय. पी. पोवारनगर, जवाहरनगर, राजारामपुरी, शाहू मिल परिसर, वैभव हौसिंग सोसायटी, ग्रीन पार्क, शांतीनिकेतन, रेव्हेन्यू कॉलनी, अरुणोदय, राजेंद्रनगर, सम—ाटनगर, प्रतिभानगर, इंगळेनगर, दौलतनगर, उद्यमनगर, शास्त्रीनगर, पांजरपोळ, नवश्या मारुती चौक, दत्त गल्ली, यादवनगर, कामगार चाळ, पंत मंदिर, जगदाळे कॉलनी, महावीरनगर, अश्विनीनगर, जागृतीनगर, पायमल वसाहत, अंबाई डिफेन्स, राजाराम रायफल, काटकर माळ, साईक्स एक्स्टेंशन व शाहूपुरी पहिली ते चौथी गल्ली आदी परिसराचा यात समावेश आहे.
