आमशी : आमशी (ता. करवीर) येथील तालमीच्या दुरुस्तीसाठी आणि गावातील प्रलंबित विविध विकास कामांसाठी निधी देण्याची मागणी मुख्यमंत्री एकनाथ शिंदे यांच्याकडे करण्यात आली आहे. गावातील पैलवान आणि ग्रामपंचायतीच्या वतीने मुंबई येथे मुख्यमंत्र्यांची भेट घेऊन याबाबतचे निवेदन दिले.
मुख्यमंत्री एकनाथ शिंदे यांनी तालमीच्या व गावच्या प्रलंबित विकास कामासाठी निधी उपलब्ध करून देण्याचे आश्वासन दिले आहे. यावेळी सरदार सावंत, राजाराम पाटील (वस्ताद), धनाजी पाटील, दिलीप सातारे, शिवाजी शिंदे, पवन पाटील आदी. ग्रामस्थ उपस्थित होते.