कोल्हापूर : पाचव्या मजल्यावरून पडून महिलेचा मृत्यू
कोल्हापूर; पुढारी वृत्तसेवा : कदमवाडी परिसरातील घाडगे कॉलनी येथील शिवांजली रेसिडेन्सीमधील पाचव्या मजल्यावरून पडून महिलेचा मृत्यू झाला. मंजुषा विनायक कागले (वय ३९) असे त्यांचे नाव आहे. रविवारी रात्री उशिरा घटना घडली. शाहूपुरी पोलिस ठाण्यात घटनेची नोंद झाली आहे.
पोलिस सुत्राकडून सांगण्यात आले की, वाहन खरेदी- विक्री व्यावसायिक विनायक कागले पत्नी, वृध्द आई व मुलांसमवेत शिवांजली रेसिडेन्सीमधील पाचव्या मजल्यावरील फ्लॅटमध्ये राहतात. रविवारी रात्री उशिरा कागले कुटुंबिय जेवण करून खोलीत गप्पा मारत बसले होते.
अधिक वाचा :
- नाशिक : डॉ. वैशाली झनकर-वीर यांना ८ लाखाच्या लाच प्रकरणात जामीन
- औरंगाबाद : बहिणीकडून राखी बांधून येणाऱ्या भावावर काळाचा घाला
- यंदाही दहीहंडीला परवानगी नाहीच! ठाकरे सरकारचा निर्णय
पती विनायक यांना मणक्याचा विकार असल्याने मंजुषा यांनी त्यांच्या पाठीला मलम लावला. गरम पाण्याच्या शेक देण्यासाठी त्या स्वयंपाक खोलीलगत असलेल्या पोर्चमध्ये गेल्या. त्याचक्षणी बेसमेंटमध्ये काही तरी पडल्याचा मोठा आवाज झाला. विनायकसह त्यांच्या वृध्द आई पोर्चमध्ये धावल्या. मात्र मंजुषा पोर्चमध्ये आढळल्या नाहीत.
अधिक वाचा :
- ई पोर्टल त्रुटीवरुन इन्फोसिसच्या मुख्याधिकार्याची झाडाझडती
- 5G सोडा LG ने केली 6G ची यशस्वी चाचणी!
- पुण्यात बिर्याणीवरून राडा; हॉटेल मालकासह कामगारावर वार
पतीने बेसमेंटच्या दिशेने डोकावले असता पत्नी रक्ताच्या थारोळ्यात निपचिप पडल्याचे दिसून आले. आवाजामुळे रेसिडेन्सी व परिसरातील नागरिकही घटनास्थळी दाखल झाले होते.
डोक्यावर आदळल्याने महिलेचा जागीच मृत्यू झाला होता. शाहूपुरी पोलिस घटनास्थळी दाखल झाल्यानंतर उत्तरणीय तपासणीसाठी मृतदेह शासकीय रुग्णालयात हलविण्यात आला.
अधिक वाचा :
- SUV बाजारात टाटा मोटर्सचा ‘पंच’, पहा नव्या एसयूव्हीची झलक
- अपूर्वा नेमळेकरला ट्रॅडिशनल लूकमध्ये पाहून ‘नैना ठग लेंगे’ ♥️
- पुणे : आई बाळाला सांभाळ! सासरच्या जाचाला कंटाळून जावयाची बायकोच्या ओढणीने आत्महत्या
- चंद्रपुरात जादुटोणा, भानामती संशयातून एकाच कुटुंबातील ७ जणांना मारहाण
- Gold Price Today : सोन्याच्या दरात घसरण सुरुच, जाणून घ्या आजचा भाव