रत्‍नागिरी : देवरूखात बिबट्या विहिरीत कोसळला

देवरूख : पुढारी वृत्तसेवा देवरूखची ग्रामदेवता सोळजाई माता मंदीराजवळ राहणारे व्यापारी मंगेश शेट्ये यांच्या विहिरीत बिबट्या पडल्याचे दिसून आले. भरवस्तीच्या परिसरात बिबट्याचा वावर उघड झाल्याने नागरिकांमध्ये घबराटीचे वातावरण पसरले आहे.

मंगेश शेट्ये यांचा विहिरीतील पाण्याचा पंप बंद पडल्याने ते पंपहाऊस जवळ पोहचले. यावेळी त्‍यांनी विहिरीतील पाईप पहायला विहीरीत डोकावले असता त्यांना विहीरीत बिबट्या पडल्याचे दिसून आले. त्यांनी शेजारच्या लोकांना याची माहिती दिली. यानंतर त्‍यांनी स्वयंसेवी संस्था व वन विभागाला याची माहिती दिली. देवरू़ख पोलिस घटनास्थळी दाखल झाले. यावेळी जनतेने गर्दी न करण्याचे आवाहन पोलिसांनी केले आहे.

हेही वाचा : 

• आर्टिफिशयल इंटेलिन्जस टॅलेंटमध्ये भारत पहिल्या पाच देशांत, एआय स्किल्ड प्रोफेसेन्शल्समध्ये चौदा पटीने वाढ  
• डॉ. दाभोलकर हत्या प्रकरण : संशयितांची छायाचित्रे दाखविली नाहीत 
• साम-दाम-दंड-भेद हे फडणवीसांचे शब्द : खासदार सुप्रिया सुळे