महाराष्ट्र राज्य माध्यमिक व उच्च माध्यमिक शिक्षण मंडळातर्फे (राज्य मंडळ) घेण्यात आलेल्या दहावी, बारावीच्या पुरवणी परीक्षेचा निकाल आज शुक्रवारी (दि. 23) दुपारी एक वाजता ऑनलाइन जाहीर करण्यात येणार आहे. राज्य मंडळाच्या सचिव अनुराधा ओक यांनी प्रसिद्धिपत्रकाद्वारे ही माहिती दिली.
राज्य मंडळातर्फे दहावीची पुरवणी परीक्षा 16 जुलै ते 30 ऑगस्ट या कालावधीत, तर बारावीची पुरवणी परीक्षा 16 जुलै ते 8 ऑगस्ट या कालावधीत घेण्यात आली. गुणपडताळणी, छायाप्रतीसाठी 24 ऑगस्ट ते 2 सप्टेंबर या कालावधीत अर्ज करता येणार आहे. पुनर्मूल्यांकनासाठी आधी उत्तरपत्रिकेची छायाप्रत घेणे आवश्यक आहे. https:/// maharesult. nic. आणि mahasscboard. in या संकेतस्थळांद्वारे निकाल पाहता येणार आहे.यंदा दहावीच्या पुरवणी परीक्षेसाठी 28 हजार 976 विद्यार्थ्यांनी नोंदणी केली होती. त्यात 20 हजार 370 मुले, सहा हजार 605 मुली, तसेच एका तृतीयपंथी विद्यार्थ्याचा समावेश होता.
