CBSE 10th Term 2 Result : सीबीएसई 10 बोर्ड टर्म 2 चा निकाल येत्या 17 जुलैपर्यंत घोषित होण्याची शक्यता अधिकृत सूत्रांनी वर्तवली आहे. सीबीएसई 10 वी बोर्डाची टर्म 2 ची परीक्षा 26 एप्रिल ते 24 मे च्या दरम्यान एकूण 76 विषयांसाठी घेण्यात आली होती. यावर्षी जवळपास 21 लाख विद्यार्थी या परीक्षेला बसले होते. यापैकी 8 लाख 94 हजार 993 विद्यार्थी आणि 12 लाख 21 हजार 195 विद्यार्थी बसले होते. परीक्षेनंतर विद्यार्थी 10वीच्या निकालासाठी आतुरतेने वाट पाहत आहे.
सीबीएसई बोर्ड या महिन्यात निकाल घोषित करण्याची शक्यता आहे. सुत्रांच्या माहितीनुसार, 17 जुलैला निकाल लागण्याची शक्यता आहे. मात्र, अद्याप या माहितीला बोर्डाकडून दुजोरा मिळालेला नाही. सीबीएसई बोर्ड त्याच्या अधिकृत वेबसाईटवर लवकरच निकाल घोषित करेल, अशी निश्चित माहिती सुत्रांनी दिली आहे. विद्यार्थ्यांनी results.cbse.in आणि cbse.gov.in या अधिकृत वेबसाईटवर निकाल पाहावा.
वेबसाइटवर एकाचवेळी हाय ट्रॅफिकमुळे गुणपत्रक लोड होण्यासाठी वेळ लागू शकतो. त्यामुळे तुम्ही पुढे दिलेल्या काही अन्य वेबसाइटवरही तुमचा निकाल पाहू शकता.
cbse.nic.in
results.cbse.nic.in
cbseresults.nic.in
याशिवाय विद्यार्थी त्यांचा निकाल एसएमएसद्वारे ही बघू शकतात, त्यासाठी फक्त टाइप करा – cbse10 (rollno) (sch no) (center no) आणि हा संदेश 7738299899 या क्रमांकावर पाठवा. या निकालानंतर सीबीएसई बोर्ड टर्म 1 चा निकाल आणि टर्म 2 चा निकाल असे दोन्ही निकाल एकत्र पाहता येतील.
हेही वाचा
