पुढारी ऑनलाइन डेस्क : सीबीएसईच्या 10 वी टर्म 2 2022 चा निकाल जाहीर झाला असून विद्यार्थ्यांना सीबीएसईच्या अधिकृत वेबसाइटवर जाऊन हा निकाल पाहता येईल. आज सकाळी 12 वीचा निकाल जाहीर झाला आहे. त्यापाठोपाठ आता दहावीचा ही निकाल जाहीर झाला आहे. या दोन्ही निकालांसाठी विद्यार्थी मोठ्या प्रतीक्षेत होते.
सीबीएसई 10 वी बोर्डाची टर्म 2 ची परीक्षा 26 एप्रिल ते 24 मे च्या दरम्यान एकूण 76 विषयांसाठी घेण्यात आली होती. यावर्षी जवळपास 21 लाख विद्यार्थी या परीक्षेला बसले होते. यापैकी 8 लाख 94 हजार 993 विद्यार्थी आणि 12 लाख 21 हजार 195 विद्यार्थी बसले होते. परीक्षेनंतर विद्यार्थी 10वीच्या निकालासाठी आतुरतेने वाट पाहत होते.
वेबसाइटवर एकाचवेळी हाय ट्रॅफिकमुळे गुणपत्रक लोड होण्यासाठी वेळ लागू शकतो. त्यामुळे तुम्ही पुढे दिलेल्या काही अन्य वेबसाइटवरही तुमचा निकाल पाहू शकता.
cbse.nic.in
results.cbse.nic.in
cbseresults.nic.in
याशिवाय विद्यार्थी त्यांचा निकाल एसएमएसद्वारे ही बघू शकतात, त्यासाठी फक्त टाइप करा – cbse10 (rollno) (sch no) (center no) आणि हा संदेश 7738299899 या क्रमांकावर पाठवा. या निकालानंतर सीबीएसई बोर्ड टर्म 1 चा निकाल आणि टर्म 2 चा निकाल असे दोन्ही निकाल एकत्र पाहता येतील.