बेळगाव : पुढारी वृत्तसेवा
राज्यस्तरीय 'मिस्टर कर्नाटक -2022' शरीरसौष्ठव स्पर्धा रविवार दि. 6 मार्च रोजी सायंकाळी चार वाजता कल्याणपुरा, उडुपी येथील माउंट रोसरी चर्च मैदानावर आयोजित करण्यात आली आहे. ही स्पर्धा मांडवी बिल्डर्स उडुपी यांच्यातर्फे आयोजित करण्यात आली असून उडुपी जिल्हा शरीरसौष्ठव असोसिएशनचे सहकार्य लाभले आहे.
पहिल्या पाच विजेत्या स्पर्धकांना अनुक्रमे रुपये पाच हजार, चार हजार, तीन हजार, दोन हजार व एक हजार तसेच किताब विजेत्याला साडेसात हजार रुपये देऊन सन्मानित करण्यात येणार आहे. दिव्यांग गटात विजेत्या स्पर्धकांना अनुक्रमे रुपये आठ हजार, सहा हजार, पाच हजार, तीन हजार, दोन हजार अशी बक्षिसे आहेत. 6 मार्च रोजी दुपारी 12 ते 2 या वेळेत स्पर्धकांची वजने घेण्यात येणार आहेत, कर्नाटक राज्य शरीरसौष्ठव असोसिएशनचे कार्याध्यक्ष अजित सिद्धण्णावर यांनी कळविले आहे.
हेही वाचलत का ?