नागपूर : शिक्षक मतदारसंघ निवडणूक मतमोजणी सुरू
नागपूर; पुढारी वृत्तसेवा : नागपूर शिक्षक मतदारसंघ द्विवार्षिक निवडणूकीची मतमोजणी आज (दि.२) सकाळी अजनीत पोलिस बंदोबस्तात सुरू झाली. तिहेरी लढतीत 86 टक्क्यांवर झालेल्या मतदानाने चुरस वाढविली आहे. विद्यमान आमदार नागो गाणार या मतदारसंघात विजयाची हॅट्ट्रिक करतात की, मविआचे सुधाकर अडबाले, शिक्षक भारतीचे राजेंद्र झाडे चमत्कार घडवून आणतात. अजनी येथील सामुदायीक भवनात प्रारंभिक मतमोजणी प्रक्रियेला सुरुवात झाली. याकडे राजकीय वर्तूळातील सर्वांचे लक्ष लागून राहीले आहे.
निवडणूक निरिक्षक अरूण उन्हाळे, निवडणूक अधिकारी तथा विभागीय आयुक्त विजयलक्ष्मी बिदरी यावेळी उपस्थित होते. प्रारंभिक मतमोजणी प्रक्रियेनंतर एक हजारांच्या गठ्ठ्यांची सरमिसळ प्रक्रिया सुरू असून त्यानंतर वैध व अवैध आणि प्रथम पसंतीच्या मतमोजणी प्रक्रियेला सुरुवात होईल. पसंती क्रमानुसार ही मतमोजणी असल्याने रात्री उशिरापर्यंत ही प्रक्रिया चालणार आहे. ३६ हजारावर मतदान आणि २२ उमेदवारांचे नशिबाचा यातून निकाल लागणार आहे.
- नाशिक पदवीधरच्या मतमोजणीस सुरुवात, कोण मारणार बाजी ?
- शुभांगी पाटील उद्यापासून आंदोलन करणार, म्हणाल्या विजय आपलाच…
- पुणे : शालेय शिक्षण तुपाशी उच्च शिक्षणातील आर्थिक तरतुदींसह अनेक गोष्टींकडे दुर्लक्ष
- राज्यातील सव्वा लाख विद्यार्थ्यांच्या शिष्यवृत्ती अर्जांना महाविद्यालयांचा खो, समाज कल्याण कारवाई करणार