International Men's day 2022 : मर्द को दर्द होता है...

पुढारी ऑनलाईन डेस्क : बायकांसारखा रडतोयस का? हे वाक्य प्रत्येक पुरुषानं लहानपणी ऐकलं असेल. तेव्‍हापासूनच भावना व्‍यक्‍त करायच्‍या नाहीत, हे संस्‍कार कळत-नकळतपणे त्‍याच्‍यावर होतात. बेदरकारपणे आयुष्‍याला सामोरे जातो तोच खरा पुरुष, असेही लहानपणापासून शिकवलं जाते. याच मानसिकतेमधून ( International Men’s day 2022) महानायक अमिताभही प्रेक्षकांसमोर मोठ्या ऐटीत  ‘मर्द को दर्द नही होता’… असा डायलॉग फेकतो;पण पुरुषालाही भय, काळजी, चिंता या भावना असतात, हे आपण लक्षात घ्यायला हवं. आज १९ नोव्हेंबर आंतरराष्ट्रीय पुरुष दिन. त्यानिमित्त पुरुष आणि नैराश्‍य याबाबत समजून घेवूया…

बहुतांश पुरुष हे कुटुंबाच्‍या जबाबदारी आणि वाढत्‍या गरजांमुळे दबलेले दिसतील. कित्येक पुरुषांना स्वत:साठी वेळ नसतो. तुम्ही तुमच्या आजुबाजुच्या नात्यातील पुरुषांना विचारलं की, तुम्ही किती वेळ देता स्वत:साठी तर हाताच्या बोटावर मोजण्या इतपत पुरुष उत्तर देतील की, “हो, आम्ही स्व:तासाठी वेळ देतो”.

अमेरिकन सायकॉलॉजिकल असोसिएशनच्या एका अहवालानुसार, ३०.६ % लोक हे आपल्या आयुष्यात कधी ना कधी नैराश्याने त्रस्त असतात. नैराश्याने त्रस्त असलेला पुरुष आपल्या आरोग्याची स्थिती माहित असूनही हॉस्पिटल किंवा त्या संबधीत वैद्यकीय मदत घेण्यास टाळतात. पुरुषाची हीच वृत्ती त्याच्या नैराश्यात वाढ होण्यास कारणीभूत ठरते. अशा स्थितीत पुरषांनी आपल्या नैराश्यावर मनमोकळेपणाने बोलायला हवं. आपल्याला काय वाटते हे कोणत्या ना कोणत्या स्वरुपात व्यक्त व्हायला हवं.

नॅशनल इन्स्टिट्युट ऑफ हेल्थनुसार प्रत्येक पुरुषाच्या नैराश्याची लक्षणे ही वेगवेगळी पाहायला मिळतात. नैराश्यात राहणाऱ्या प्रत्येक पुरुषाची कारणे आणि लक्षणे ही एकसारखी नसतात. काही पुरुषांमध्ये नैराश्याची कारणे ही जास्त तर काही पुरुषांमध्ये नैराश्याची कारणे कमी पाहायला मिळतात. तर काहींच्यामध्ये मध्यम लक्षणे पाहायला मिळतात.

नैराश्य हे काही गंभीर आजारांमुळेही येत असते. जसे की, मधुमेह, कॅन्सर, ह्रदयविकार यासारखे बरेच आजार हे नैराश्याला कारणीभूत ठरत असतात. या आजारांसाठी जे वैद्यकीय उपचार घेतले जातात ते नैराश्य येण्यास कारणीभूत ठरतात.

आर्थिक नुकसान, जवळच्या व्यक्तीचा मृत्‍यू, नात्यांमध्ये ताणतणाव, दुरावा, आयुष्यात अचानक झालेला बदल अशी बरीच कारणे आहेत जी पुरुषांच्या नैराश्याला कारणीभूत ठरतात.

नैराश्‍यावर मात करता येते

• पुरुष आपल्या भावना सहसाकरुन व्यक्त करताना दिसत नाही. नैराश्यात तो एकाकी राहायला लागतो. तेतुम्ही नैराश्याची लक्षणे ओळखून तज्‍ज्ञ डॉक्टरांकडे घेवून जा किंवा त्याला जाण्यास प्रवृत्त करा.
• नैराश्यात काहीवेळा ‘टॉक थेरपी’ ही उपयोगी पडते. काहीवेळा वैद्यकीय उपचाराऐवजी या थेरपीचा उपयोग होतो. या उपचार पद्धतीत ज्या व्यक्तीला नैराश्य आले आहे. त्याच्याशी संवाद साधून त्याच्या समस्या समजून घेतल्या जातात. नैराश्य कमी करता येत हे पटवून दिले जाते. उपचार केले जातात.
• तुम्हाला एखादी व्यक्ती ताणतणावात आहे अस जाणवत असेल. आणि ती व्यक्ती आत्महत्या संदर्भात काही बोलत  असेल तर त्या व्यक्तीला टाळू नका. ती व्यक्ती का म्हणतेय हे समजून घ्या. त्या व्यक्तीला समजावुन सांगा. धीर द्या. आयुष्याबद्दल सकारात्मक सांगा.
• एखादा पुरुष नैराश्याला सामोरे जात असेल तर त्या व्यक्तीला धीर द्या. त्याला समजावून सांगा की नैराश्य हा मानसिक आजार बरा होवू शकतो हे पटवून द्या. त्याच्या क्षमतांची ओळख करुन द्या. आयुष्याबद्दल सकारात्मक बोलुन जगण्याबद्दल उत्सुकता निर्माण करा.

पुरुष दिन साजरा करणे का आहे गरजेचे?
https://t.co/eszlJEPZyV

— Pudhari (@pudharionline) November 19, 2022

संबंधित बातम्या

• 
  नाशिकमध्ये अर्ध्याहुन जास्त मराठा मतदार माझ्या बरोबर

  Published on: April 25, 2024, 6:35 PM
• 
  कैरी धुण्यासाठी पाण्याकडे गेला अन् अनर्थ झाला

  Published on: April 25, 2024, 6:18 PM

हेही वाचा 

• आंतरराष्ट्रीय पुरुष दिन २०२२ : महिलांना पुरुषांचे ‘हे’ गुण खूप भावतात
• Jitendra Awhad Tweet : पुरुषदिनी आव्हाडांनी केलेले ट्विट चर्चेत…”गर्दीतून महिलांना …”
• International Mens Day : पुरुष दिन साजरा करणे का आहे गरजेचे?
• महिलांच्या तुलनेत पुरुषांचे हृदय कमजोर