Chhattisgarh ED Raid: रायपूरसह अन्य जिल्ह्यात ज्येष्ठ अधिकारी व व्यापाऱ्यांवर ईडीचे छापे, चार कोटी जप्त
पुढारी ऑनलाईन डेस्क : छत्तीसगढची राजधानी रायपूर, रायगढसह अन्य जिल्ह्यात काल (मंगळवार, दि.११) पहाटे ईडीने (ED -Enforcement Directorate-अंमलबजावणी संचालनालय) राज्यातील काही अधिकारी व व्यापा-यांवर छापा (Chhattisgarh ED Raid) टाकला. मंगळवारी (दि.११) सायंकाळपर्यंत जवळपास चार कोटींच्या रोख रकमेसह कोट्यावधी रुपयांचे दागिने जप्त केले आहेत.
Chhattisgarh ED Raid : पहाटे पाच वाजल्यापासून छापेमारी
छत्तीसगढ राज्यातील काही शहरात मंगळवारी (दि.११) पहाटे ईडीने अधिकारी, व्यापा-यांवर छापा टाकला. ईडीची मंगळवारी सायंकाळपर्यंत ही छापेमारी सुरु होती. ज्या अधिकारी आणि व्यापाऱ्यांवर छापा पडला आहे त्यापैकी काहीजणांवर यापूर्वीही छापा पडला आहे. दुर्ग, रायपूर , महासमुंद जिल्ह्यासह अनेक ठिकाणी छापा टाकण्यात आला आहे. सुत्रांच्या माहितीनुसार सायंकाळपर्यंत चार कोटींची रक्कम सापडली आहे तर कोट्यावधी रुपयांचे दाग-दागिने सापडले आहेत.
या अधिकाऱ्यांवर छापेमारी
छत्तीसगढमधील ज्येष्ठ अधिकारी सौम्या चौरसिया, रायगढ जिल्ह्याचे कलेक्टर रानू साहू यांच्या घरावर, महासमुंद जिल्ह्यातील अग्नि चंद्राकर, सूर्यकांत तिवारी, आयएस जेपी मौर्य यांच्या घरावर, रायगढ मधील गांजा चौकातील नवनीत तिवारी, प्रिंस भाटिया, सीए सुनील अग्रवाल यांच्यावर ईडीने छापे मारले आहेत. ईडीची ही छापेमारी पहाटे पाच वाजल्यापासून सुरु होती. सौम्या चौरसिया, कलेक्टर रानू साहू, सुर्यकांत तिवारी यांची यापूर्वीही ईडीने चौकशी केली होती. दरम्यान त्यावेळी अंदाजे २०० कोटी रुपयांची जंगम स्थावर मालमत्ता सापडली होती.
‘तुझ्यावर खूप प्रेम आहे…’ 65 वर्षीय ‘फेक अंतराळवीराकडून’ जपानी महिलेची 24 लाखांना फसवणूक https://t.co/u2a7kj8LlW #fakelove #love #fruad #japan #japanesewomen #fakeastronut #space #pudharionline #pudharinews #pudhari
— Pudhari (@pudharionline) October 12, 2022
हेही वाचलंत का?
- Women’s Commission : दिल्ली महिला आयोगाच्या अध्यक्षा ‘स्वाती मालिवाल’ यांना सोशल मीडियावरून बलात्काराची धमकी
- पिंपरी : फाईव्ह जी पडेल महागात..! नेटवर्क अपग्रेड करण्याच्या बहाण्याने फसवणूक करण्याचा नवीन फंडा
- लग्नाच्या ४ महिन्यानंतर नयनतारा आणि विघ्नेशने दिला जुळ्या मुलांना जन्म; सरोगसी कायदा पुन्हा चर्चेत
- नगर: गुन्ह्यात वापरलेल्या लॅपटॉपचा शोध सुरू, भिंगारचे बनावट एनओसी प्रकरण; धेंडवालला 12 पर्यंत पोलिस कोठडी