कुलभूषण जाधव प्रकरणात पाकिस्तानला आणखी एक झटका

इस्लामाबाद : पुढारी ऑनलाईन 

कुलभूषण जाधव प्रकरणात पाकिस्तान सरकारची पुन्हा एकदा वाईट अवस्था झाली आहे. इस्लामाबाद उच्च न्यायालयाने सरकारला हा धक्का दिला. गुरुवारी जारी केलेल्या आदेशात कोर्टाने म्हटले आहे की जाधव यांच्यासाठी वकील नेमण्याची आणखी एक संधी भारताला मिळाली पाहिजे. पाकिस्तानने आतापर्यंत या खटल्यासंदर्भात आंतरराष्ट्रीय न्यायालय (आयसीजे) च्या सूचनांचे अनुसरण करण्याची विनंती पुन्हा केली आहे, परंतु त्यांचे सर्व दावे पोकळ सिद्ध झाले आहेत. हायकोर्टानेही या खटल्याची सुनावणी महिनाभरासाठी तहकूब केली आहे.

वाचा : अमेरिकेन निवडणुकीत भारतीय रिलीजन कार्ड जोरात!

सेवानिवृत्त नौदल अधिकारी कुलभूषण जाधव हे हेरगिरीच्या आरोपाखाली पाकिस्तानच्या तुरुंगात आहेत. मृत्यूदंडाच्या विरोधात पुनर्विचार याचिका दाखल करण्यासाठी वकीलाची नेमणूकीसाठी खटला सुरू आहे. अटर्नी जनरल खालिद जावेद खान यांनी कोर्टाला सांगितले की आयसीजेच्या आदेशानंतर पाकने भारताला राजनैतिक परवानगी (Consular Access) दिली. पाकिस्तानला वकील नियुक्त करण्याच्या प्रस्तावाला भारताने प्रतिसाद दिला नाही, असेही त्यांनी कोर्टाला सांगितले.

युक्तिवाद ऐकल्यानंतर कोर्टाने कुलभूषन जाधव यांच्या प्रकरणावर सरकारला ऑर्डर भारतात पाठविण्याचे आदेश दिले. आणि सुनावणी ३ ऑक्टोबरपर्यंत तहकूब केली. जाधव यांच्या प्रकरणात पुनर्विचार याचिकेला परवानगी देण्याच्या आयसीजेच्या आदेशाबाबत पाकिस्तानने विशेष कायदा आणला आहे. जाधव यांना फाशीची शिक्षा ठोठावण्यात आलेल्या पाकिस्तान कोर्टाच्या निर्णयाच्या विरोधात भारताने आयसीजेला अपील केले. तसेच भारताला मुत्सद्दी प्रवेश न देण्याबद्दल पाकिस्तानविरोधात अपील केली होती.

वाचा : ‘किम जोंग उनने माझ्याशी फ्लर्ट करत डोळा मारला, ट्रम्पना सांगितल्यावर त्यांनीही माझी मजा घेतली!’