पुढारी ऑनलाईन डेस्क : जागतिक बाजारातून मिळणार्या सकारात्मक संकेतामुळे आठवड्याच्या पहिल्या दिवशी आज (23 सप्टेंबर) शेअर बाजारातील व्यवहारांना दमदार सुरुवात झाली. बाजार उघडताच सेन्सेक्स-निफ्टीने नवा उच्चांक गाठला. निफ्टीने पहिल्यांदाच 25,900 चा तर सेन्सेक्सनेही पहिल्यांदाच 84,800 चा टप्पा पार केला. निफ्टी बँकेत किंचित वाढ झाली.
आज बाजारात व्यवहार सुरु होताच मिडकॅप आणि स्मॉलकॅप निर्देशांकातही मजबूती दिसून आली. बाजाराची सुरुवात तेजीने झाली. सेन्सेक्स 221.71 अंकांच्या किंवा 0.26 टक्क्यांच्या वाढीसह 84,766.02 च्या पातळीवर तर निफ्टी 80.70 अंकांच्या किंवा 0.31 टक्क्यांच्या वाढीसह 25,871.65 च्या पातळीवर व्यवहार करत होता.टाटा स्टील, एचडीएफसी लाइफ, ग्रासिम हे निफ्टीमध्ये सर्वाधिक वाढले. त्याच वेळी, व्होडाफोन आयडियाने सुमारे 6% ची वाढ नोंदवली.
नोकिया, एरिक्सन आणि सॅमसंगसोबत 30,000 कोटी रुपयांच्या करारामुळे व्होडाफोन आयडियाचे शेअर्स तब्बल ११ टक्क्यांनी वधारले आहेत.
