पुढारी ऑनलाईन डेस्क : व्हॉट्सअॅपने (WhatsApp) यूजर्संना नवीन एक सुविधा उपलब्ध करुन दिली आहे. व्हॉट्सअॅपने बुधवारी रात्री उशिरा घोषणा केली की यूजर्स आता त्यांची संपूर्ण चॅट हिस्ट्री Android वरून iOS वर ट्रान्सफर (transfer) करू शकतात. "आता तुम्हाला तुमच्या पसंतीच्या डिव्हाइसवर स्विच करण्याचे स्वातंत्र्य आहे," असे WhatsApp ने ट्विटमध्ये म्हटले आहे.
मेसेजिंग प्लॅटफॉर्म व्हॉट्सअॅपने पुढे नमूद केले आहे की यूजर्स केवळ त्यांचे पर्सनल मेसेजिस (personal messages) ट्रान्सफर करू शकतात. पण पीअर टू पीअर पेमेंट मेसेजिस (peer to peer payment messages) ट्रान्सफर होणार नाहीत. तसेच कॉल हिस्ट्री अँड्रॉइड फोनवरून आयफोनवर ट्रान्सफर करता येणार नाही.
जोपर्यंत यूजर्स iCloud बॅकअप तयार करत नाहीत तोपर्यंत मायग्रेशन परिणाम म्हणून ट्रान्सफर केलेला डेटा क्लाउड स्टोरेजमध्ये जाणार नाही. जोपर्यंत यूजर तो हटवत नाही तोपर्यंत Android फोनमध्ये डेटा असेल, असेही सांगण्यात आले आहे.
