आरोग्य : आपल्या शरीरातील २०६ हाडांना कसे मजबूत कराल?
डॉ. पूजा भिंगार्डे : माणसांचं आरोग्य सर्वात महत्वाचं आहे. त्यामध्ये शरीराला आकार आणि आधार देण्यासाठी हाडांचे अनन्यसाधारण महत्व आहे. आपल्या शरीरात एकूण २०६ हाडे आढळून येतात. हाडे म्हणजेच बोन्स हे सर्वात कठीण असे कनेक्टिव्ह टिशू मानले जातात. आयुर्वेदानुसार याची गणना अस्थिधातूमध्ये होते
हाडांमध्ये कॅल्शिअम जास्त प्रमाणात तसेच इतर काही मिनरल्स जसे की, फॉस्फरस, मॅग्नेशियम व कोलॅजन फायबर्स ऑस्टिओसाईट्स व काही प्रमाणात पाण्याचा अंश असतो. हाडांमुळे शरीराला मजबुती येते.
त्याचबरोबर शरीरातील नाजूक अवयवांचे संरक्षण होते. हाडांच्या आतील अस्थिमज्जा रक्तपेशी बनवण्याचे कार्य करतात. हाडांमुळे स्नायूंना आधार मिळतो. त्यामुळे या अस्थिधातूचा पोषकांश टिकवून ठेवण्यासाठी खालील मार्गाचा अवलंब जरूर करावा.
कॅल्शिअम : आपल्या शरीराला दररोज १०००-१२०० मिलिग्रॅम कॅल्शिअमची गरज असते. त्यासाठी आपण दूध, दुग्धजन्य पदार्थ जसे की, लोणी, तूप, नाचणी, विविध प्रकारच्या डाळी तसेच कठीण कवचाची फळे जसे की, अक्रोड, बदाम, पिस्ता, जर्दाळू, यांचा वापर करावा. तसेच तीळ, मेथीचे दाणे, भोपळ्याच्या बिया, सोयाबीन्स, हिरव्या पालेभाज्या यांचा आहारातील वापर वाढवावा.
व्हिटॅमिन डी : आहारातील कॅल्शिअम शोषून घेण्यासाठी याचा उपयोग करावा. यासाठी रोज सकाळी कोवळे ऊन १५ ते २० मिनिटे अंगावर घ्यावे. तसेच अंडी, मांसाहार याचा काही प्रमाणात समावेश करावा.
- कोरोना काळात : देशभरात ४० लाख अतिरिक्त मृत्यू
- कोरोना : देशात ऑक्सिजन अभावी एकही मृत्यू नाही; केंद्र सरकारचा दावा
व्यायाम : नियमित व्यायाम करणे ही तितकेच महत्वाचे आहे. त्यामुळे स्नायूंची जखडणं होत नाही आणि सर्व हालचाली नियंत्रितपणे होतात. त्यासाठी त्रिकोणासन , सेतुबंधासन , भुजंगासन, वीरभद्रासन, विपरीतकरणी मुद्रा यांसारख्या आसनांचा समावेश करावा.
- ‘पेगासस’ ने केली १० पंतप्रधान आणि एका राजाची हेरगिरी
- उद्धव ठाकरे यांची प्रार्थना : कोरोना हटव, भक्तिसागर पुन्हा फुलू दे
पंचकर्म व आयुर्वेदिक औषधे : पंचकर्मातील काही औषधे वापरून बनविलेल्या दुधातुपाच्या बस्तीचा हाडांना बळ देण्यासाठी वापर केला जातो. तसेच आयुर्वेदामध्ये कॅल्शिअम असलेले द्रव्य वापरून बनविलेल्या औषधांचाही आपण वापर करू शकतो. उदाहरणार्थ : अस्थिपोषक वटी, लाक्षादी गुग्गुळ आदी. अशाप्रकारे आरोग्य यामध्ये हाडांची अशी काळजी घेता येते आणि हाडे मजबूत बनवता येतात.
टीप : या औषधांचा वापर वैद्यांना विचारूनच करावा.
हे वाचलंत का?
- तुंगुस्का विस्फोट एलियन्सचं यान पृथ्वीवर आदळल्यामुळे झाला का?
- महिलांच्या ड्रेसचा खिसा आणि त्यामागचं राजकारण, जाणून घ्या…
- साबुदाणा : उपवासाची सोय करणारा साबुदाणा भारतात कसा आला?
पहा व्हिडीओ : मधमाशांनी बनवले दयानानचे आयुष्य मधाळ