राशिभविष्य (दि.२६ जानेवारी २०२२)
मेष – हातून सत्कार्य घडतील. कामाचे कौतुक होईल. मानसिक समाधान लाभेल. सौख्यकारक दिवस. प्रवासाचे योग. कोर्ट-कचेरीच्या कामांत यश मिळेल.
वृषभ – उत्तम आरोग्य लाभेल. उधारी वसूल होईल. वादविवादात शत्रू हतबल होतील. योग्य मार्गदर्शनाने कामे मार्गी लागतील. पदोन्नतीचे योग.
मिथुन – मनःस्वास्थ्य बिघडेल. झालेल्या गोष्टींचा शोक करू नका. ठरवलेल्या कामांत अडचणी येतील. द्विधा मनःस्थिती होईल. संयमाने घ्या. वाद-विवादांपासून दूर राहा.
कर्क – पूर्वग्रहदूषित असल्यामुळे वादविवाद होतील. पोटाचे विकार होण्याची संभावना. आहारावर नियंत्रण आवश्यक आहे. कौटुंबिक कलह टाळा.
सिंह – मित्रमंडळींना मदत कराल. विचारांचे आदान-प्रदान होईल. आवडत्या मित्रमंडळींचा सहवास लाभेल. आर्थिक प्रगती होईल.
कन्या – निर्णय घेताना सारासार विचार आवश्यक आहे. गुंतवणूक करण्यास अयोग्य दिवस. संवादाने प्रश्न सोडवावे लागतील. मनःस्ताप होण्याची शक्यता.
तूळ – चांगल्या लोकांशी मैत्री होईल. भाग्यकारक गोष्टी घडतील. प्रसन्नता लाभेल. सुवार्ता ऐकायला मिळेल. मनसोक्त खरेदीचा आनंद घ्याल.
वृश्चिक – खर्चावर नियंत्रण आवश्यक आहे. स्वतः कामांचा आढावा घ्या. परावलंबी राहू नका. समज-गैरसमजातून वादविवाद होतील.
धनु – आप्तेष्टांच्या गाठीभेटी मनाला प्रसन्नता देतील. व्यावसायिकांना आर्थिकदृष्ट्या लाभदायक दिवस. मित्रमंडळींचा सहवास लाभेल.
मकर – गृहसौख्य उत्तम राहील. कुटुंबीयांना वेळ द्याल. कौतुकास्पद कार्य कराल. आत्मविश्वास वाढेल. मनासारख्या घटना घडतील. कौटुंबिक वातावरण आनंदाचे राहील.
कुंभ – आरोग्याकडे दुर्लक्ष करू नका. कफजन्य पदार्थांचे सेवन टाळावे. अचानक खर्च उभे राहतील. प्रतिष्ठा सांभाळावी लागेल. सरकारी कामांत अडचणी येतील.
मीन – आर्थिकदृष्ट्या नुकसान करणारा दिवस. मनःस्वास्थ्य बिघडू देऊ नका. योगसाधना आवश्यक आहे. संवाद महत्त्वाचा आहे.