पुढारी वृत्तसेवा
संगणक किंवा लॅपटॉपच्या कीबोर्डवरील 'F' आणि 'J' या बटणांवर असलेल्या छोट्या उंच रेषा (Raised Lines) तुमच्या नजरेस नक्कीच पडल्या असतील
आपण या रेषांकडे दुर्लक्ष करतो. जरी त्या दिसल्या तरी त्यांचा नेमका उपयोग काय आहे, हे अनेकांना माहीत नसते. या छोट्याशा उंच रेषामागचे महत्त्व काय?
F आणि J बटणांवरील उंच रेषांना 'टॅक्टाइल गाईड्स' (Tactile Guides) असे म्हटले जाते
टायपिंग करताना कीबोर्डकडे न पाहताही बोटे योग्य ठिकाणी ठेवण्यासाठी या रेषा मदत करतात. यामागे 'टच टायपिंग' (Touch Typing) हे तंत्र कार्यरत असते
सतत कीबोर्डकडे न पाहता बोटांच्या स्नायूंच्या स्मरणशक्तीच्या (Muscle Memory) आधारे टायपिंग केले जाते. त्यामुळे टायपिंग अधिक वेगवान आणि अचूक होते
सामान्य QWERTY कीबोर्डमध्ये डाव्या हाताचे तर्जनी बोट 'F' या बटणावर, तर उजव्या हाताचे तर्जनी बोट 'J' या बटणावर ठेवले जाते.
'F' आणि 'J' वरील या उंच रेषांमुळे टायपिस्टला कीबोर्डकडे न पाहताही योग्य स्थान लगेच ओळखता येते आणि बोटे अचूक जागी ठेवता येतात
सतत योग्य ठिकाणी बोटे ठेवण्याची सवय लागल्याने मेंदू आणि हात यांच्यातील समन्वय सुधारतो. परिणामी टायपिंगमधील चुका कमी होतात
योग्य पद्धतीने बोटे आणि मनगट ठेवले गेल्यामुळे ताण कमी होतो. दीर्घकाळ टायपिंग केल्यामुळे होणाऱ्या दुखापती किंवा ताणाशी संबंधित समस्यांचा धोका कमी होतो