पुढारी वृत्तसेवा
अचानक डिटर्जंट संपले किंवा तुम्हाला केमिकल्सचा वापर टाळायचा असेल, तर काय कराल?
घाबरू नका! तुमच्या किचनमधील काही साध्या गोष्टी कपड्यांवरील घाण आणि दुर्गंधी सहज दूर करू शकतात.
बेकिंग सोड्याची जादू
जिमचे कपडे किंवा मोजे यांचा उग्र वास घालवण्यासाठी अर्धा कप बेकिंग सोडा मशीनमध्ये टाका. हे कपड्यांना फ्रेश ठेवण्यास मदत करते.
लिंबाचा रस
पांढऱ्या कपड्यांवरील पिवळसर डाग घालवण्यासाठी लिंबाचा रस सर्वोत्तम आहे. डागावर थेट लिंबू चोळा किंवा अर्धा कप रस पाण्यात मिसळा. यामुळे कपडे नैसर्गिकरित्या चमकतात.
बोरॅक्स पावडर (Borax)
जर कपडे जास्त घाण असतील, तर अर्धा कप बोरॅक्स पावडर वापरा. हे डाग काढण्यासाठी प्रभावी आहे. मात्र, वापरल्यानंतर कपडे स्वच्छ पाण्याने पुन्हा एकदा धुवून घ्या.
पांढरा व्हिनेगर
महागड्या फॅब्रिक सॉफ्टनरची गरज नाही. अर्धा कप व्हिनेगर टाकल्याने कपड्यांचा वास जातो आणि कापड मऊ होते. सुकल्यावर व्हिनेगरचा कोणताही वास उरत नाही.
डिश वॉशिंग लिक्विडचा वापर
काहीच पर्याय नसेल तर भांडी घासण्याचे लिक्विड वापरा. पण सावधान! फक्त १-२ छोटे चमचे वापरा. जास्त लिक्विड टाकल्यास मशीनमध्ये फेस येऊ शकतो.