निलेश पोतदार
मोठ्ठं डोकं – मोठा विचार करा, रागाच्या भरात निर्णय न घेता आधी शांतपणे विचार करा.
मोठे कान – मध्ये न बोलता समोरच्याचं म्हणणं पूर्ण ऐकण्याची सवय लावा.
लहान डोळे – एका वेळी एकाच कामावर लक्ष केंद्रित करण्याचा बाप्पाचा गुण शिका.
बाप्पाची सोंड – ताकद म्हणजे मारणं नाही, तर योग्य वेळी इतरांना मदत करणं होय.
एक अर्धा दात – चूक झाली तरी निराश न होता त्यातून शिकून पुन्हा प्रयत्न करा.
मोठं पोट – राग, दुःख आणि इतर भावना शांतपणे व्यक्त करून त्यांना पचवायला शिका.
उंदीर वाहन – मन आणि विचार इकडे-तिकडे धावत असले तरी त्यांना शांत करण्याचा प्रयत्न करा.
मोदक – गोड बोलणं, प्रेमाने वागणं आणि आनंद इतरांसोबत वाटल्याने तो वाढतो.
आशीर्वादाचा हात – भीती न बाळगता आत्मविश्वासाने नवीन गोष्टी करण्याचं धाडस ठेवा.
बाप्पाचा संदेश – मुलांना फक्त बाप्पाची मूर्ती दाखवू नका, तर त्यांचे गुणही आपल्या स्वभावात उतरवायला शिकवा.