पुढारी वृत्तसेवा
निसर्गामध्ये प्रजननाचे विविध प्रकार पाहायला मिळतात.
मानवामध्ये गर्भधारणेचा काळ 9 महिन्यांचा असतो. परंतु ऑस्ट्रेलियात आढळणारा स्ट्राईप्ड-फेस्ड डनार्ट हा चिमुकला प्राणी केवळ 11 दिवसांत पिल्लांना जन्म देतो.
हा जगातील सर्वात कमी गर्भधारणा काळ मानला जातो.
दिसायला हा प्राणी अगदी उंदरासारखा दिसतो. याचे वजन साधारणत: 25 ग्रॅम आणि लांबी 8 ते 10 सें.मी. असते.
प्रतिकूल वातावरणात स्वतःची प्रजाती टिकवून ठेवण्यासाठी निसर्गाने दिलेली ही एक सुपरफास्ट यंत्रणा आहे.
जन्मलेली पिल्ले अत्यंत लहान असतात.
कांगारूप्रमाणेच ही पिल्ले आईच्या पिशवीत राहून पुढील 3-4 आठवडे वाढतात.
विज्ञानाच्या दृष्टीने ही निसर्गाची एक अजब किमयाच आहे.