अंजली राऊत
भारतीय महिला क्रिकेटमधील सर्वात लोकप्रिय आणि स्टायलिश खेळाडू म्हणजे स्मृती मंधाना. मैदानावर तिची आकर्षक बॅटिंग, आत्मविश्वास आणि सौम्य स्वभाव जसा लोकांना भावतो, तशीच तिच्या घराची निवडही तिच्या व्यक्तिमत्त्वासारखीच शांत, साधी आणि सौंदर्यपूर्ण आहे.
महाराष्ट्रातील सांगलीमध्ये असलेलं स्मृतीचं घर म्हणजे मिनिमलिजम हाऊस आणि व्हाइट थीम यांचे सुंदर उदाहरण असून पहिल्याच नजरेत हे घर प्रत्येकजण म्हणेल... “अरे, व्हाईट थीमचं हे घर तर अगदी आपल्या घरासारखंच दिसतं!”
साधेपणातही एक वेगळा दर्जा, आराम आणि सौंदर्य लपलेलं आहे. घराची प्रत्येक खोली, प्रत्येक कोपरा एक वेगळी कथा उलघडतो
स्मृतीच्या रूममध्येही तिच्या स्वभावातला नम्रपणा, साधेपणा आणि सोज्वळता दिसून येते. पांढऱ्या भिंती आणि हलक्या रंगाच्या बेडशीट्स खोलीला एक शांत, “रिसॉर्ट-लाइक” फील देतात.
बेडच्या मागील भिंतीवर असलेला सूक्ष्म टेक्स्चर किंवा हलकासा पॅनलिंग डिझाइन खोलीला एक क्लासिक टच देत आहे. बेडच्या दोन्ही बाजूंस ठेवलेले स्लीक नाइट-लॅम्प्स रात्री मऊ, उबदार प्रकाश देतात, त्यामुळे खोलीत लगेच शांत वातावरण तयार होतं.
मोठ्या खिडक्या, भरपूर नैसर्गिक प्रकाश, पांढऱ्या भिंती आणि मिनिमल फर्निचर हे लिव्हिंग रूमचं मुख्य वैशिष्ट्य. साधे सोफे, हलक्या रंगांचा कार्पेट आणि आधुनिक तरीही साधे पडदे घराला शांतता देतात.
खोलीत अनावश्यक सजावट नाही; ज्या वस्तू आहेत त्या घराला ‘क्लास’ देतात. कोपऱ्यातील ग्रीन प्लांट खोलीला ताजेपणा आणतो, भिंतीवरील काही फ्रेम्स स्मृतीच्या आवडत्या क्षणांची झलक दाखवतात. टीव्ही युनिटही मिनिमल आणि क्लीन-लुक देणारं असल्याने संपूर्ण खोली मोठी वाटते.
किचन पूर्णपणे मॉड्युलर आणि क्लीन-लुक देणारं आहे. व्हाइट कंट्रास्टसोबत ग्रे स्टोनचा टॉप वापरल्यामुळे ते दोन्ही आधुनिक आणि मेंटेनन्स-फ्रेंडली दिसतं. किचनची रचना U-शेप आणि मोकळी असल्यामुळे काम करताना जागा अरुंद वाटत नाही.
कॅबिनेट्समध्ये सॉफ्ट-क्लोज ड्रॉवर्स, ओव्हरहेड स्टोरेज आणि स्लिक हँडल्सचा वापर घराला Elegant look देतो. काचेचे शटर असलेले काही कपाटामुळे आत ठेवलेली भांडीही चकाचक दिसतात
क्रिकेटपटू असल्यामुळे स्मृतीने घरात एक लहान पण अत्यंत व्यवस्थित फिटनेस कॉर्नर तयार केला आहे. ‘क्रिकेट कॉर्नर’ तिच्या व्यक्तिमत्त्वाचा आणखी एक खास भाग व्यक्त करतो
घरातील कोपऱ्यात स्मृतीच्या काही महत्त्वाच्या ट्रॉफीज, अवॉर्ड्स आणि स्मृतीने खेळलेल्या काही संस्मरणीय सामन्यांचे फ्रेम केलेले फोटो आहेत. काही खास बॅट्स, कॅप्स आणि जर्सी विशेषतः भारतीय संघाची ब्ल्यू जर्सी भिंतीवर नीट लावलेल्या आहेत.
स्मृती मंधानाच्या घरातील भिंतीवरील पॅनलिंग हे घराच्या मिनिमल आणि आधुनिक लुकचं आणखी एक खास वैशिष्ट्य आहे. पांढऱ्या आणि हलक्या बेज टोनमध्ये केलेलं हे पॅनलिंग घराला एक एलिगंट, क्लीन आणि रिसॉर्टसारखं वातावरण देते.
बेडरूममध्ये बेडच्या मागील भिंतीवर असलेलं हे सूक्ष्म पॅनल टेक्स्चर खोलीच्या सौंदर्यात भर घालतं, तर लिव्हिंग रूममधील पॅनलिंग संपूर्ण जागेला अधिक मोठी आणि खुली वाटण्यास मदत करतं.
स्मृती मंधानाच्या घराचं खरं आकर्षण म्हणजे ती लावलेली हिरवी झाडं. पांढऱ्या थीमच्या घरात ही झाडं जणू जीव ओततात.
लिव्हिंग रूमच्या कोपऱ्यात ठेवलेला उंच फिडल-लीफ प्लांट खोलीला एक ‘मॉडर्न बोहो’ लुक देतो, तर डायनिंग एरियाजवळ ठेवलेल्या छोट्या सुक्कुलंट्स आणि मनीप्लांट घराला एक शांत, Refreshing वातावरण तयार करतात.