पुढारी वृत्तसेवा
कुकरमध्ये पाणी कमी असणे किंवा अन्न घट्ट असणे यामुळे आतला दाब वाढत जातो. सेफ्टी व्हॉल्व्ह उघडत नाही, तेव्हा स्फोटाची शक्यता वाढते.
जुन्या कुकरचे व्हॉल्व्ह जाम होते किंवा अन्नकणांनी ते बंद होते. दाब बाहेर निघत नसल्याने कुकर फुटू शकतो.
रबर गॅस्केट जुने, फाटलेले किंवा कडक झाल्यास कुकर व्यवस्थित सील होत नाही. यामुळे चुकीचे प्रेशर तयार होते आणि स्फोट होऊ शकतो.
कुकर अति भरल्यास उकळताना अन्न व्हॉल्व्हमध्ये अडकते. दाब बाहेर निघत नाही आणि आत प्रेशर धोकादायक स्तरावर पोहोचतो.
काही वेळा घाईत झाकण नीट बसत नाही. प्रेशर वाढताना झाकण अचानक उडण्याचा धोका निर्माण होतो.
व्हिसल न येणे किंवा वाफ न निघणे हा कुकरचा मोठा इशारा असतो. हे संकेत दुर्लक्षित केल्यास स्फोटाची शक्यता जास्त असते.
वारंवार वापरामुळे कुकरची धातूची जाडी कमी होते. शरीर कमजोर झाल्याने प्रेशर सहन न करता तो फुटू शकतो.
जास्त आचेवर कुकर ठेवला तर प्रेशर वेगाने वाढते. हे व्हॉल्व्ह, गॅस्केट आणि बॉडीवर ताण निर्माण करून स्फोटाचे कारण बनते.
स्वस्त, नकली किंवा ISI मार्क नसलेले कुकर प्रेशर सहन करण्याइतके मजबूत नसतात. यामुळेसुद्धा स्फोटाची शक्यता अत्यंत जास्त.