पुढारी वृत्तसेवा
पंतप्रधान नरेंद्र मोदी यांच्या हस्ते ‘सेवा तीर्थ’ आणि कर्तव्य भवनचे उद्घाटन झाले.
आतापर्यंत पंतप्रधान कार्यालय, राष्ट्रीय सुरक्षा परिषद आणि मंत्रालये वेगवेगळ्या ठिकाणी होती. आता ही सर्व कार्यालये एकाच परिसरात आणण्यात आली आहेत.
दारा शिकोह रोडवर उभारलेलं सेवा तीर्थ तब्बल 2.26 लाख चौरस फूट क्षेत्रात पसरलेलं आहे. यासाठी 1189 कोटी रुपयांचा खर्च झाला आहे.
सेवा तीर्थ-1 :पंतप्रधान कार्यालय, सेवा तीर्थ-2 : मंत्रालयांची कार्यालये, सेवा तीर्थ-3 : राष्ट्रीय सुरक्षा परिषद
या सर्व कार्यालयांमध्ये हाय-स्पीड इंटरनेट, पेपरलेस कामकाज, डिजिटल फाइल सिस्टम आणि आधुनिक कॉन्फरन्स रूम्स तयार करण्यात आल्या आहेत.
पूर्वी वापरात असलेल्या नॉर्थ ब्लॉक आणि साऊथ ब्लॉक इमारती आता संग्रहालयात रूपांतरित केल्या जाणार आहेत.
कर्तव्य भवन 1 आणि 2 मध्ये कायदा, संरक्षण, अर्थ, आरोग्य, कृषी यांसारखी महत्त्वाची मंत्रालये असतील.
ही इमारत ग्रीन बिल्डिंग मानकांनुसार उभारण्यात आली आहे, ऊर्जा बचत, पाणी व्यवस्थापन आणि स्मार्ट सिक्युरिटी सिस्टिमचा यात समावेश आहे.
स्मार्ट अॅक्सेस कंट्रोल, मॉनिटरिंग नेटवर्क आणि आधुनिक इन्फ्रास्ट्रक्चरमुळे अधिकारी आणि नागरिकांसाठी प्रशासन अधिक वेगवान होणार आहे.