Nail Health Signs: तुमची नखे देतात शरीरातील आजारांचे संकेत
पुढारी वृत्तसेवा
हाता-पायांची नखे आपल्या आरोग्याविषयीचे महत्त्वाचे संकेत देत असतात. विशेषतः शरीरातील पोषकतत्त्वांची कमतरता नखांच्या बदललेल्या स्वरूपावरून स्पष्टपणे दिसून येते.
नखे फिकट, ठिसूळ किंवा पिवळसर होणे हे अॅनिमिया (रक्तक्षय), थायरॉईड किंवा पोषकतत्त्वांच्या अभावाचे लक्षण असू शकते.
नखांवरील पांढरे डाग, काळसर रेषा किंवा नखे अतिशय मऊ होणे हे यकृत, मूत्रपिंड किंवा फुफ्फुसांच्या आजारांचे प्राथमिक संकेत असू शकतात.
जर शरीरात लोहाची कमतरता असेल, तर नखे पातळ होऊन चमच्यासारखी वळतात किंवा लवकर तुटतात (ठिसूळ होतात).
प्रथिनांच्या कमतरतेमुळे नखांवर आडव्या रेषा दिसू लागतात. तसेच कॅल्शियम आणि झिंकच्या कमतरतेमुळे नखे वारंवार तुटतात आणि त्यांची वाढ मंदावते.
बुरशीजन्य संसर्गामुळे नखे पिवळी पडतात, जाड होतात आणि कधीकधी नखांच्या कडा दुखू लागतात.
नखांखालील काळ्या रेषा काही वेळा रक्ताभिसरणातील बिघाड किंवा त्वचेच्या गंभीर समस्यांशी संबंधित असू शकतात. अशा वेळी डॉक्टरांचा सल्ला घेणे आवश्यक आहे.
याउलट, गुलाबी छटा असलेली, मजबूत आणि गुळगुळीत नखे हे तुमच्या उत्तम आरोग्याचे लक्षण आहे.