पुढारी वृत्तसेवा
हा जगातील सर्वात जीवघेण्या कर्करोगांपैकी एक मानला जातो. दरवर्षी १ ऑगस्ट रोजी लोकांमध्ये जनजागृती करण्यासाठी 'वर्ल्ड लंग कॅन्सर डे' साजरा केला जातो.
कॅन्सर नेमका कसा होतो?
फुफ्फुसांतील पेशींची अनियंत्रित वाढ होते. त्यातून गाठ (ट्यूमर) तयार होते आणि हा आजार बळावतो.
१. नॉन-स्मॉल सेल लंग कॅन्सर (NSCLC): हा प्रकार अधिक प्रमाणात आढळतो. २. स्मॉल सेल लंग कॅन्सर (SCLC): हा प्रकार वेगाने पसरतो.
सतत खोकला: औषधोपचार करूनही खोकला बरा न होणे.
कफातून रक्त: थुंकीत किंवा कफामध्ये रक्त पडणे (हा धोक्याचा मोठा इशारा आहे).
श्वास घेण्यास त्रास: अगदी थोडे काम केले तरी प्रचंड दम लागणे.
छातीत वेदना: खोकताना किंवा खोल श्वास घेताना छातीत तीव्र कळा येणे.
आवाजात बदल: अचानक आवाज घोगरा किंवा भरड होणे.
वजन कमी होणे: कोणतेही कारण नसताना सतत थकवा जाणवणे आणि वजन वेगाने घटणे.
जगभरातील दर ५ पैकी १ कर्करोग मृत्यू हा फुफ्फुसाच्या कॅन्सरमुळे होतो.
दरवर्षी जगभरात २० लाखांहून अधिक नवीन रुग्ण आढळतात.
धूम्रपान हे याचे मुख्य कारण असले, तरी न धूम्रपान करणाऱ्यांमध्येही (Passive Smokers) सध्या हा कॅन्सर वेगाने वाढताना दिसत आहे.
वेळीच निदान झाल्यास उपचार यशस्वी होण्याची शक्यता वाढते. श्वासावर प्रेम करा... वेळेवर तपासणी करा!