पुढारी वृत्तसेवा
१. लिंबाच्या सालीत कॅलरीजचे प्रमाण अत्यंत कमी असून फायबर आणि व्हिटॅमिन-सी भरपूर प्रमाणात असते.
२. दातांमध्ये किड लागणे आणि हिरड्यांचे संसर्ग रोखण्यासाठी लिंबाची साल उपयुक्त ठरते. यातील बॅक्टेरियाविरोधी गुणधर्म तोंडातील हानिकारक सूक्ष्मजीवांची वाढ रोखतात, ज्यामुळे दात आणि हिरड्या मजबूत राहतात.
३. लिंबाच्या सालीमध्ये 'डी-लिमोनेन' आणि व्हिटॅमिन-सी सारखे अँटीऑक्सिडंट्स असतात. यामुळे मधुमेह (Type-2) आणि हृदयविकाराचा धोका कमी होतो.
४. प्रयोगशाळेतील संशोधनानुसार, लिंबाच्या सालीचे अर्क अँटीबायोटिक्सलाही दाद न देणाऱ्या बॅक्टेरिया आणि त्वचेच्या बुरशीजन्य संसर्गाशी यशस्वीरीत्या लढू शकतात.
५. व्हिटॅमिन-सी आणि फ्लेव्होनॉइड्समुळे शरीराची रोगप्रतिकारशक्ती बळकट होते. नियमित अल्प प्रमाणात याचा वापर केल्यास सर्दी-खोकल्याची तीव्रता आणि कालावधी कमी होण्यास मदत होते.
६. लिंबाच्या सालीमध्ये 'पेक्टिन' नावाचे फायबर आणि फ्लेव्होनॉइड्स असतात, जे रक्तदाब आणि कोलेस्ट्रॉल नियंत्रित ठेवण्यास मदत करतात. यामुळे हृदयाशी संबंधित आजारांचा धोका कमी होतो.
७. कर्करोगाचा धोका कमी करण्यास उपयुक्त
लिंबाच्या सालीतील 'डी-लिमोनेन' हे संयुग कर्करोगाच्या पेशींची वाढ रोखण्यास मदत करते.
८. पित्ताशयातील खडे विरघळवण्यास मदत
काही वैद्यकीय अभ्यासांनुसार, लिंबाच्या सालीतील 'डी-लिमोनेन' हे घटक पित्ताशयात तयार होणारे खडे विरघळवण्यासाठी उपयुक्त ठरू शकतात.