एका मालिकेत सर्वाधिक धावा करणारे भारतीय सलामीवीर, राहुलची दुस-या स्थानी झेप

भारत आणि इंग्लंड यांच्यात सध्या सुरू असलेल्या कसोटी मालिकेत भारतीय संघाचा सलामीवीर फलंदाज केएल राहुलने आपल्या फलंदाजीने सर्वांना प्रभावित केले आहे.

या मालिकेत सलामीला येत त्याने आतापर्यंत 400 हून अधिक धावांचा टप्पा ओलांडला आहे.

या उत्कृष्ट कामगिरीमुळे, इंग्लंडच्या भूमीवर एकाच कसोटी मालिकेत सर्वाधिक धावा करणाऱ्या भारतीय सलामीवीरांच्या प्रतिष्ठित यादीत राहुलने आता दुसरे स्थान पटकावले आहे.

इंग्लंडविरुद्ध एका कसोटी मालिकेत सलामीवीर म्हणून सर्वाधिक धावा करण्याचा विक्रम महान फलंदाज सुनील गावस्कर यांच्या नावावर आहे.

त्यांनी 1979 साली इंग्लंड दौऱ्यावर असताना एकाच मालिकेत तब्बल 542 धावा नोंदवल्या होत्या.

या यादीत केएल राहुलने आता दुसरे स्थान मिळवले आहे. इंग्लंडविरुद्ध सध्या सुरू असलेल्या कसोटी मालिकेत त्याने आतापर्यंत 7 डावांमध्ये 421 धावा केल्या आहेत.

यादीत तिसऱ्या क्रमांकावर भारताचा माजी सलामीवीर मुरली विजय आहे. त्याने 2014 साली इंग्लंड दौऱ्यावर खेळल्या गेलेल्या कसोटी मालिकेत 402 धावा करण्यात यश मिळवले होते.

सध्याचा भारतीय कर्णधार रोहित शर्मा या यादीत चौथ्या स्थानी आहे. त्याने 2021 मध्ये इंग्लंडविरुद्ध खेळल्या गेलेल्या कसोटी मालिकेत 368 धावा केल्या होत्या.

पाचव्या क्रमांकावर भारतीय संघाचे माजी दिग्गज खेळाडू आणि मुख्य प्रशिक्षक रवी शास्त्री यांचे नाव आहे. शास्त्री यांनी 1990 साली इंग्लंडमध्ये खेळल्या गेलेल्या मालिकेत सलामीवीर म्हणून 336 धावा केल्या होत्या.