Anirudha Sankpal
सणासुदीच्या काळात किंवा सहलीचे नियोजन करताना योग्य ट्रिक्स वापरून रेल्वे तिकीट बुक केल्यास प्रवाशांचा वेळ आणि पैसा दोन्ही वाचू शकतात.
तिकीट बुक करण्यापूर्वी केवळ वेटिंग नंबर न पाहता ती जनरल (GNWL) की रिमोट लोकेशन (RLWL) वेटिंग लिस्ट आहे हे तपासावे, कारण रिमोट लोकेशन तिकीट कन्फर्म होण्याची शक्यता कमी असते.
तत्काळ तिकीट बुकिंगवेळी बँक पेमेंट गेटवेचा वेळ वाचवण्यासाठी 'आयआरसीटीसी वॉलेट'मध्ये (IRCTC Wallet) आधीच पैसे जमा करून ठेवणे अत्यंत फायदेशीर ठरते.
दोन वेगवेगळ्या ट्रेनने प्रवास करायचा असल्यास 'कनेक्टिंग जर्नी' (Connecting Journey) पर्यायाद्वारे दोन्ही तिकिटांचे पीएनआर (PNR) नंबर एकमेकांशी लिंक करावेत.
यामुळे पहिली ट्रेन उशिरा आल्यास आणि दुसरी ट्रेन सुटल्यास, वेळेत टीडीआर (TDR) दाखल करून प्रवाशांना पुढील प्रवासाचा रिफंड परत मिळवता येतो.
तुमची ट्रेन बोर्डिंग स्टेशनवर नियोजित वेळेपेक्षा तीन तासांपेक्षा जास्त उशिरा असेल आणि तुम्ही प्रवास रद्द केल्यास, ट्रेन सुटण्यापूर्वी ऑनलाइन टीडीआर भरून संपूर्ण तिकीट भाडे परत मिळू शकते.
तिकीट बुकिंगचे पैसे खात्यातून कट झाल्यानंतर केवळ बँकेच्या मेसेजवर अवलंबून न राहता, आयआरसीटीसी ॲप किंवा वेबसाइटवरील 'बुकिंग हिस्ट्री'मध्ये जाऊन तिकीट स्टेटस नक्की तपासावे.
या स्मार्ट रेल्वे नियमांची आणि आयआरसीटीसी फिचर्सची माहिती ठेवल्यास ऐनवेळी होणारा मनस्ताप आणि आर्थिक नुकसान सहज टाळता येते.