पुढारी वृत्तसेवा
प्रत्येक तरुणीच्या ब्युटी किटमध्ये नेलपेंट हा एक अविभाज्य घटक असतो. मात्र, अनेकदा आवडता शेड काही दिवसांतच सुकू लागतो किंवा घट्ट होतो.
अशा वेळी नेलपेंट खराब झाला आहे असे समजून अनेकजण तो फेकून देतात. पण काही सोप्या घरगुती उपायांनी तो पुन्हा वापरण्यायोग्य बनवता येतो.
उपाय १
जर तुमचा नेलपेंट खूप जास्त घट्ट झाला असेल, तर त्यात 'नेलपेंट थिनर'चे २-३ थेंब टाका.
थिनर टाकल्यानंतर बाटली व्यवस्थित हलवून घ्या. यामुळे नेलपेंटचा पोत पुन्हा पहिल्यासारखा स्मूद होईल.
उपाय २
एका बाऊलमध्ये थोडे कोमट पाणी घ्या आणि त्यात नेलपेंटची बाटली काही मिनिटांसाठी उभी ठेवा.
पाण्याच्या उष्णतेमुळे बाटलीतील घट्ट झालेला रंग पुन्हा वितळतो. हा सर्वात सुरक्षित आणि सोपा उपाय मानला जातो.
उपाय ३
गरज पडल्यास खूप कमी प्रमाणात ॲसिटोन वापरा. याचे प्रमाण जास्त झाल्यास नेलपेंटची गुणवत्ता खराब होऊ शकते.
उपाय ४
वापरल्यानंतर बाटलीचे टोपण नेहमी घट्ट लावा. हवा लागल्यामुळे नेलपेंटमधील ओलावा लवकर उडून जातो आणि तो सुकतो.
उपाय ५
नेलपेंट नेहमी थंड आणि कोरड्या जागी ठेवा. जास्त उष्णता किंवा थेट सूर्यप्रकाश लागेल अशा ठिकाणी ठेवल्यास तो लवकर सुकण्याची शक्यता असते.