पुढारी वृत्तसेवा
केस कमजोर होणे, वारंवार तुटणे आणि हळूहळू पातळ दिसणे ही अनेकांची समस्या आहे. अशावेळी केसांच्या निगेसाठी घरगुती उपाय केले जातात.
हेअर केअर प्रॅक्टिशनर डॉ. मदिहा भयानी यांनी सोशल मीडियावर केसांसाठी खास तेलाची कृती शेअर केली आहे. हे तेल केसांच्या निगेसाठी उपयुक्त ठरू शकते.
तेल बनवण्यासाठी काय लागेल?
अर्धा कप खोबरेल तेल, ऑलिव्ह ऑईल किंवा तीळ तेल
१ मोठा चमचा पूर्णपणे वाळवलेला कांदा
३ ते ४ लवंगा
लसणाचा एक छोटा तुकडा
तेल कसे तयार करायचे?
सर्वप्रथम खोबरेल तेल, ऑलिव्ह ऑईल किंवा तीळ तेल हलके गरम करा. त्यात वाळवलेला कांदा, लवंग आणि लसूण घाला.
तेल अतिशय मंद आचेवर ८ ते १० मिनिटे गरम करा. कांदा, लसूण किंवा लवंग जळणार नाही याची काळजी घ्या. मधूनमधून तेल हलक्या हाताने ढवळा.
तेल तयार झाल्यावर गॅस बंद करा आणि ते पूर्णपणे थंड होऊ द्या. त्यानंतर तेल गाळून स्वच्छ आणि कोरड्या बाटलीत भरून ठेवा.
हे तेल आठवड्यातून १ ते २ वेळा स्वच्छ केसांच्या स्कॅल्पवर लावता येते. बोटांच्या मदतीने ३ ते ५ मिनिटे हलका मसाज करा.
तेल लावल्यानंतर ते केस आणि स्कॅल्पवर ३० ते ६० मिनिटे राहू द्या. त्यानंतर नेहमीच्या पद्धतीने शॅम्पूने केस धुवा.
केस गळण्यामागे अनेक कारणे असू शकतात. त्यामुळे हा घरगुती उपाय प्रत्येकाला सारखाच परिणाम देईल असे नाही. टाळूला खाज, जळजळ किंवा अॅलर्जी जाणवल्यास वापर थांबवा. अथवा आधी तज्ञांचा सल्ला घ्या.