Google चा मोठा निर्णय! ‘ही’ अकाउंट्स होणार डिलीट, जाणून घ्या यात तुमचा समावेश नाही ना?

अमृता चौगुले

अपडेट पॉलिसीनुसार गुगलने दोन वर्षांपासून जी अकाउंट्स वापरण्यात आलेली नाहीत ती अकाउंट्स डिलीट करण्याची घोषणा केली आहे.

गुगलने २०२० मध्येच सांगितले होते, इन अ‍ॅक्टिव्ह अकाउंटमधील स्टोअर केलेला कंटेंट काढून टाकण्यात येईल. मात्र, अकाउंट डिलीट केले जाणार नाही. परंतु,आता गुगलने आपली पॉलिसी अपडेट केली आहे

त्याप्रमाणे आता इन अ‍ॅक्टिव्ह अकाउंट्स डिलीट केली जाणार आहेत. गुगल या वर्षीच्या शेवटी म्हणजेच डिसेंबरपासून इन अ‍ॅक्टिव्ह अकाउंट्स डिलीट करण्यास सुरुवात करणार आहे.

गुगल दोन वर्षांपासून न वापरलेली अकाउंट्स डिलीट करणार आहे. पण गुगल फक्त अकाउंट डिलीट करणार नसून ज्यांनी डॉक्स, गुगल मीट , ड्रिव्ह आणि कॅलेंडर, गुगल फोटो व युट्युब ही अकाउंट वापरली नसतील तर ही अकाउंट्स देखील डिलीट करण्यात येणार आहेत.

गुगलचे हे नवीन धोरण केवळ वैयक्तिक गुगल अकाउंट्सलाच लागू होणार आहे. या नवीन धोरणाचा परिणाम हा शाळा आणि व्यावसायिक अकाउंट्सवर होणार नाही.

जर का तुमचे गुगल अकाउंट असेल आणि तुम्ही त्याचा अनेक वर्षे वापरच केला नसेल तर तुम्ही त्याचा वापर करून तुमचे अकाउंट डिलीट होण्यापासून वाचवू शकता.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips. Android and iOS Download now and stay updated, anytime, anywhere. Click Here