Longevity Diet Tips: 'हे' ४ पदार्थ खाल्ल्यामुळे आयुष्य कमी होतं; अमेरिकन डॉक्टरांचा इशारा

जर तुम्ही फिटनेसप्रेमी असाल, तर तुम्हाला माहित असेल की निरोगी राहण्यासाठी केवळ व्यायाम पुरेसा नाही. तुम्ही काय खाता याचाही तुमच्या फिटनेसवर आणि दीर्घायुष्यावर परिणाम होतो.

अमेरिकेतील कार्डिओलॉजिस्ट डॉ. जेरेमी लंडन यांनी आयुष्य कमी करणाऱ्या ४ पदार्थांबाबत सावधानतेचा इशारा दिला आहे.

१. मद्यपान

डॉक्टरांच्या मते, मद्य शरीरातील प्रत्येक पेशीसाठी विषारी असते. हे केवळ यकृतच नाही, तर हृदयावरही विपरीत परिणाम करते. दीर्घायुष्यासाठी मद्यापासून दूर राहणेच हिताचे आहे.

२. प्रक्रिया केलेले मांस

हॉट डॉग्स किंवा पॅकबंद मांसामध्ये सोडियम आणि प्रिझर्व्हेटिव्हजचे प्रमाण जास्त असते. यामुळे जुनाट आजार आणि हृदयाच्या समस्या वाढण्याचा धोका असतो.

३. गोड पेये

सोडा आणि बाटलीबंद ज्यूसमध्ये भरपूर साखर असते. या 'एम्प्टी कॅलरीज'मुळे लठ्ठपणा आणि मधुमेहाचा धोका वाढतो. ही पेये रक्तातील साखर झपाट्याने वाढवतात.

४. सॅच्युरेटेड फॅट्स

जास्त चरबीयुक्त मांस आणि लोण्यासारखे पदार्थ 'बॅड कोलेस्ट्रॉल' वाढवतात. यामुळे हार्ट अटॅक आणि स्ट्रोकची भीती वाढते.

डॉ. लंडन म्हणतात, "१००% पथ्य पाळणे कठीण असले तरी, किमान ८०% वेळा सकस आहार घ्या." वरील ४ गोष्टी आपल्या आहाराचा मुख्य भाग नसाव्यात.