रोज तिखट खाता? मग हे एकदा वाचांच..

मिरची आणि मसालेदार पदार्थ भारतीयांच्या आहाराचा महत्त्वाचा भाग आहेत. पण तिखट खाण्याचा आरोग्यावर नेमका काय परिणाम होतो, हे जाणून घेणेही महत्त्वाचे आहे.

तिखट खाणाऱ्यांमध्ये मृत्यूचा धोका १४% कमी?

एका मोठ्या अभ्यासानुसार, आठवड्यातून ६ ते ७ दिवस तिखट पदार्थ खाणाऱ्या लोकांमध्ये, आठवड्यातून एकदा किंवा त्याहून कमी तिखट खाणाऱ्यांच्या तुलनेत मृत्यूचा धोका १४% कमी आढळला.

५ लाखांहून अधिक लोकांवर झाला अभ्यास

या निष्कर्षासाठी ५ लाखांहून अधिक लोकांच्या आरोग्य आणि आहाराच्या सवयींचे निरीक्षण करण्यात आले. नियमित तिखट खाणे आणि दीर्घायुष्य यांच्यात सकारात्मक संबंध दिसून आला.

कर्करोग आणि हृदयविकाराचा धोका?

अभ्यासात नियमित तिखट खाणाऱ्यांमध्ये कर्करोग, हृदयविकार आणि फुफ्फुसांच्या गंभीर आजारांमुळे होणाऱ्या मृत्यूचे प्रमाण कमी असल्याचे आढळले.

लाल मिरची खाणाऱ्यांसाठीही चांगली बातमी!

आणखी एका संशोधनानुसार, आहारात नियमितपणे लाल मिरचीचा वापर करणाऱ्या व्यक्तींमध्ये मृत्यूचा धोका सुमारे १३% कमी असल्याचे आढळले.

मिरचीचा तिखटपणा येतो कुठून?

मिरचीमध्ये कॅप्सॅसिन नावाचा महत्त्वाचा घटक असतो. हाच घटक शरीरातील विशिष्ट रिसेप्टर्सवर परिणाम करतो आणि आपल्याला तिखटपणा व उष्णता जाणवते.

कॅप्सॅसिनमुळे ‘चांगले’ कोलेस्ट्रॉल वाढते?

काही संशोधनानुसार, कॅप्सॅसिन HDL म्हणजेच चांगल्या कोलेस्ट्रॉलची पातळी वाढवण्यास मदत करू शकते. त्यामुळे हृदयाच्या आरोग्यासाठीही त्याचे संभाव्य फायदे मानले जातात.

तिखटामुळे मीठ कमी खाल्ले जाते?

तिखटपणा जास्त असल्याने काही लोक पदार्थांमध्ये अतिरिक्त मीठ कमी वापरतात. त्यामुळे सोडियमचे सेवन कमी होऊन रक्तदाब नियंत्रणात ठेवण्यास मदत होऊ शकते.

पण ॲसिडिटी असेल तर जरा सांभाळून!

ॲसिडिटी, गॅस किंवा पचनाच्या समस्या असणाऱ्यांनी तिखट पदार्थ मर्यादित प्रमाणात खावेत. तसेच, तिखट खाल्ल्याने आयुष्य नक्कीच वाढते, असा निष्कर्ष काढता येत नाही; हे अभ्यासांमध्ये दिसलेले संबंध आहेत.