मोहन कारंडे
१. बडीशेपचा चहा
बडीशेप पचनासाठी सर्वोत्तम मानली जाते. बडीशेप पोटातील स्नायूंना आराम देते, ज्यामुळे साठलेला गॅस बाहेर पडण्यास मदत होते आणि ॲसिडिटी त्वरित कमी होते.
कसा बनवाल?
एक ग्लास पाण्यात एक चमचा बडीशेप टाकून चांगले उकळा. गाळून कोमट असतानाच याचे सेवन करा.
२. आल्याचा कोरा चहा
आल्यामध्ये दाहशामक गुणधर्म असतात. दुध न वापरता बनवलेला आल्याचा चहा पोटासाठी अत्यंत गुणकारी आहे. यामुळे पाचक रसांची निर्मिती वाढते, परिणामी अन्न लवकर पचते.
कसा बनवाल?
पाण्यात आल्याचे काही तुकडे टाकून उकळा. गॅस बंद केल्यावर त्यात थोडा लिंबाचा रस आणि मध मिसळून प्या.
३. ओव्याचा चहा
पोटदुखी आणि गॅसवर ओवा हा पिढ्यानपिढ्या चालत आलेला प्रभावी उपाय आहे. जेवणानंतर पोट जड वाटत असेल, तर ओव्याचा चहा मिनिटांत आराम देतो.
कसा बनवाल?
अर्धा चमचा ओवा एक कप पाण्यात टाकून पाण्याचा रंग बदलेपर्यंत उकळा आणि चहाप्रमाणे घोट-घोट प्या.
४. पुदिना चहा
पुदिना आपल्या थंड गुणधर्मासाठी ओळखला जातो. ॲसिडिटीमुळे छातीत होणारी जळजळ किंवा आंबट ढेकर येत असल्यास पुदिना चहा अत्यंत गुणकारी ठरतो.
कसा बनवाल?
पुदिन्याची ८-१० ताजी पाने ५-७ मिनिटे पाण्यात उकळा आणि गाळून घ्या.
५. कॅमोमाइल टी
केवळ शांत झोपेसाठीच नाही, तर पोटाच्या समस्या दूर करण्यासाठीही कॅमोमाइल टी प्रसिद्ध आहे. विशेषतः तणावामुळे होणाऱ्या ॲसिडिटीवर हा चहा सर्वाधिक प्रभावी ठरतो.
कसा बनवाल?
बाजारात सहज उपलब्ध होणारे कॅमोमाइल टी-बॅग गरम पाण्यात काही वेळ बुडवून ठेवा आणि त्याचा आस्वाद घ्या.
६. जिरे चहा
जिऱ्याचा चहा केवळ वजन कमी करण्यासाठीच नाही, तर पाचक एन्झाइम्स सक्रिय करण्यासाठीही ओळखला जातो. यामुळे पोट फुगण्याची समस्या दूर होते.
कसा बनवाल?
एक चमचा जिरे एक कप पाण्यात ५ मिनिटे उकळा. चवीसाठी तुम्ही यात चिमूटभर काळे मीठ देखील घालू शकता.