पुढारी वृत्तसेवा
बीट हे सहज उपलब्ध होणारे कंद आहे, लालभडक असलेले बीट खाण्याचे आरोग्याला अनेक फायदे आहेत. चवीबरोबरच आरोग्याचाही खजिना बीट मध्ये लपलेला असतो
रक्ताची कमतरता दूर करते
बीटमध्ये भरपूर प्रमाणात आयर्न आणि फॉलिक अ‍ॅसिड असते, ज्यामुळे शरीरातील हिमोग्लोबिन झपाट्याने वाढण्यास मदत होते.
रक्तदाब नियंत्रणात ठेवते
यात नैसर्गिक नायट्रेट्स असतात, जे रक्तवाहिन्या सैल करून उच्च रक्तदाब आटोक्यात ठेवण्यास आणि हृदयाचे आरोग्य सुधारण्यास उपयुक्त ठरतात.
पचनक्रिया सुरळीत राहते
बीटमधील मुबलक फायबर पचनसंस्थेला बळकट बनवते, ज्यामुळे बद्धकोष्ठता आणि पोटाच्या तक्रारी सहज दूर होतात.
त्वचेवर नैसर्गिक चमक आणते
यातील अँटिऑक्सिडंट्स आणि व्हिटॅमिन सी रक्त शुद्ध करतात, ज्यामुळे मुरुमे कमी होऊन त्वचेला गुलाबी निखार मिळतो.
ऊर्जा आणि स्टॅमिना वाढवते
व्यायामापूर्वी बीटचा रस घेतल्याने शरीरातील ऑक्सिजन वाहून नेण्याची क्षमता सुधारते आणि थकवा न जाणवता स्टॅमिना टिकून राहतो.
यकृत (लिव्हर) डिटॉक्स करते
बीटमध्ये असलेले ‘बीटेन’ हे घटक लिव्हरमधील विषारी घटक बाहेर टाकून शरीराचे नैसर्गिक शुद्धीकरण करते.
१९ व्या शतकात ब्रिटिशांनी फ्रान्सची उसाची साखर रोखली, तेव्हा नेपोलियन बोनापार्टने फ्रान्समध्ये बीटपासून साखर बनवण्याचे कारखाने उभारले. आजही जगात वापरल्या जाणाऱ्या पांढऱ्या साखरेपैकी सुमारे २०% साखर बीटपासूनच बनते.