पुढारी वृत्तसेवा
बाळ दूध पिण्यास नकार देत आहे?
प्रत्येक आई-वडिलांची ही चिंता असते. पण घाबरू नका, काही सोपे उपाय फायद्याचे ठरू शकतात.
बळजबरी अजिबात करू नका
बाळ दूध पीत नसेल तर जबरदस्ती करू नका. त्यामुळे बाळ अधिक चिडचिडे होऊ शकते आणि दूधाविषयी नकारात्मक भावना निर्माण होऊ शकते.
आधी बाळाला शांत करा
रडणारे किंवा अस्वस्थ बाळ सहसा दूध पित नाही. त्याला कुशीत घ्या, थोपटा आणि शांत झाल्यावर पुन्हा प्रयत्न करा.
दूध पाजण्याची स्थिती बदला
कधी कधी बाळाला एखादी विशिष्ट पोझिशन आवडत नाही. वेगवेगळ्या स्थितीत दूध पाजून पाहा.
थोडं-थोडं दूध द्या
एका वेळी जास्त दूध पिण्याऐवजी काही बाळं कमी प्रमाणात पण वारंवार दूध पिणं पसंत करतात.
गॅस किंवा ॲसिडिटीचा त्रास तर नाही?
बाळ खूप रडत असेल, पाठ मागे वाकवत असेल किंवा दूध पिताना त्रास होत असेल तर गॅस किंवा ॲसिडिटीची समस्या असू शकते.
फॉर्म्युला दूधाची चव बदलून पाहा
जर बाळ फॉर्म्युला दूध पीत नसेल तर डॉक्टरांच्या सल्ल्याने फॉर्म्युला बदलण्याचा किंवा थोडे आईचे दूध मिसळण्याचा विचार करा.
नवजात बाळासाठी वाटी-चमचा वापरा
बाळ आईचे दूध ओढत नसेल तर आईचे दूध काढून वाटी किंवा चमच्याने पाजता येते.
१ वर्षांनंतर दुधाचे पर्यायही आहेत
दही, चीज, पनीर, टोफू यांसारखे कॅल्शियमयुक्त पदार्थ मुलांच्या आहारात समाविष्ट करू शकता.
डॉक्टरांचा सल्ला कधी घ्यावा?
बाळ सतत दूध नाकारत असेल, वजन वाढत नसेल किंवा खूप अशक्त दिसत असेल तर त्वरित बालरोगतज्ज्ञांचा सल्ला घ्या.